Nonm 20:4 - Labib An Kreol Seselwa

⁴ Akoz ou'n anmenn lasanble SENYER dan sa dezer zis pour nou vin mor isi avek nou bann betay?

Nonm 20:4 ပူးပေါင်းရင်းမြစ်များ

Psonm 106:21

Zot ti'n oubliy Bondye zot Sover ki ti'n fer bann gran mervey Lezip,

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 17:3

Annefe, lepep ti swaf e zot ti mirmire kont Moiz, “Akoz ou'n fer nou sorti Lezip? Eski ou anvi touy nou, nou bann zanfan ek nou zannimo par laswaf?”

Egzod 5:21

Zot ti dir Moiz ek Aaron, “SENYER i war sa ki zot in fer, e i ava ziz zot. Zot in fer Faraon avek son bann serviter deteste nou. Ou'n met en lepe dan zot lanmen pour touy nou.”

Nonm 11:20

me pour en mwan antye, ziska i sorti par zot nennen, ziska zot ava degout lavyann. Tousala, akoz zot in rezet SENYER ki parmi zot; zot in mirmire devan li e zot in dir: Akoz nou'n sorti Lezip?”

Nonm 11:5

Nou rapel byen: Pwason ti annabondans Lezip; ti osi annan kokonm, melon, pwaro, zonnyon ek lay.

Nonm 14:2

Lepep antye ti konplent kont Moiz ek Aaron. Zot tou, zot ti dir: Plito nou ti'n mor Lezip; plito nou ti'n mor dan sa dezer!

Nonm 16:41

Son lannmen, lepep ti vin konplent ankor kot Moiz ek Aaron. Zot ti dir: Zot in touy pep SENYER.

Akt de Zapot 7:35

Sa Moiz ki bann Izraelit ti rezete, kan zot ti dir li: Lekel ki'n etabli ou koman sef e ziz? Bondye ti anvoy li koman sef e liberater, par lentermedyer sa lanz ki ti aparet avek li dan sa zarbis.

Ziz 11:16

Annefe, ler Izrael ti sorti Lezip, i ti mars dan dezer ziska lanmer Rouz e i ti ariv Kades.