Nonm 19:9 - Labib An Kreol Seselwa

⁹ En zonm ki pir, ava ranmas lasann sa bef e depoz li dan en landrwa pir, an deor kan. Pep Izrael ava servi sa lasann pour pirifye delo ki pou servi pour pirifikasyon. Sa i ava en sakrifis pour pardon pese.

Nonm 19:9 ပူးပေါင်းရင်းမြစ်များ

Levitik 15:20

Tou lobze ki i dormi lo la, oubyen ki i asiz lo la pandan son reg, ava vin enpir.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Nonm 19:13

En dimoun ki tous en kadav e ki pa ganny pirifye, pou rann tanp SENYER enpir. I devret ganny met an deor kominote pep Izrael, akoz i pa'n vers delo pirifikasyon lo li. I pou reste dan son leta enpir.

Nonm 19:17

Pour pirifye li, zot ava pran lasann ki dan brazye sakrifis pour pese, met dan en resipyan e vers delo larivyer ladan.

Nonm 19:18

En dimoun ki pir, ava pran en brans izop, tranp li dan sa delo e fer aspersyon lo latant, lo tou bann resipyan, lo tou dimoun ki la, lo sa enn ki'n tous sa kadav, e osi swa lo sa zonm ki'n ganny touye, swa lo sa lekor mor, ou swa sa latonm.

Nonm 19:3

Ou ava donn sa bef pret Eleazar. Zot ava anmenn li an deor kan, kot i ava ganny egorze dan prezans Eleazar.

Nonm 19:8

Sa enn ki'n bril sa bef i ava osi lav son lenz e pran en ben dan delo; i pou reste enpir ziska aswar.

Nonm 6:12

I ava rekonsakre li pour SENYER pour sa dire letan ki i ti'n fer son ve. I ava anmenn en zenn mouton mal enn an, pour fer en sakrifis reparasyon; me son bann letan konsekrasyon avan, pa pou konte, akoz in kas son ve nazireen.

Nonm 8:7

La koman ou ava fer rityel pirifikasyon: Fer aspersyon delo pirifikasyon lo zot; les zot raz zot lekor, lav zot lenz e pirifye zot.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 9:13

Disan bouk ek toro, lasann en zenis brile ki ti ganny fannen lo bann dimoun enpir, ti pirifye zot.