Nonm 19:3 - Labib An Kreol Seselwa

³ Ou ava donn sa bef pret Eleazar. Zot ava anmenn li an deor kan, kot i ava ganny egorze dan prezans Eleazar.

Nonm 19:3 ပူးပေါင်းရင်းမြစ်များ

Levitik 16:27

Sa toro ek sa bouk sakrifis pour pardon pese, ki zot disan ti ganny servi dan rityel pour pardon pese dan sanktyer, ava ganny transporte an deor kan kot zot lapo, zot lavyann ek zot leskreman ava ganny brile.

Levitik 24:14

Fer sa enn ki'n blasfenmen sorti an deor kan. Sa bann ki'n antann li ensilte mon non, ava poz zot lanmen lo son latet. Apre, kominote ava saboul li avek ros.

Levitik 4:11

Me lapo sa toro, son lavyann, avek son latet, son bann lapat, tou son trip ek son leskreman;

Levitik 4:12

sa toro antye ava ganny anmennen an deor kan dan en landrwa pir, la kot zot zet lasann lagres, e kot zot ava bril li lo en dife dibwa; zot ava bril li la lo ta lasann lagres.

Levitik 4:21

I ava anmenn tou sa ki reste avek sa toro an deor kan e bril li parey i ti bril premye toro. Sa i en sakrifis pour pardon pese kominote Izrael.

Nonm 15:36

Alor, kominote antye ti fer li sorti dan kan e zot ti saboul li ziska ki i ti mor, parey SENYER ti'n ordonnen par lentermedyer Moiz.

Nonm 19:9

En zonm ki pir, ava ranmas lasann sa bef e depoz li dan en landrwa pir, an deor kan. Pep Izrael ava servi sa lasann pour pirifye delo ki pou servi pour pirifikasyon. Sa i ava en sakrifis pour pardon pese.

Nonm 3:4

Nadab ek Abihou ti mor devan SENYER, akoz zot ti ofer li en dife ordiner. Zot ti mor dan dezer Sinai e zot ti napa zanfan. Eleazar ek Itamar ti kontinyen ranpli zot fonksyon anba sirveyans zot papa Aaron.

Nonm 5:2

Donn lord pep Izrael e dir zot ki zot devre met an deor kan, tou bann dimoun ki ganny en maladi ki parey lalep, bann ki annan en desarz e tou bann ki'n vin enpir par kontak avek dimoun mor.