Nonm 19:21 - Labib An Kreol Seselwa

²¹ Sa lalwa i valab pour touzour. Sa dimoun ki pe fer aspersyon delo pirifikasyon ava lav son lenz. Alor, dimoun ki tous delo pirifikasyon pou vin enpir ziska aswar.

Nonm 19:21 ပူးပေါင်းရင်းမြစ်များ

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Levitik 11:25

Sa enn ki anmenn nenport ki parti en kadav sa bann zannimo, ava bezwen lav son lenz e i ava reste enpir ziska aswar:

Levitik 11:40

Sa enn ki manz lavyann sa kadav ava lav son lenz; i ava enpir ziska aswar. Sa enn ki transport sa kadav ava lav son lenz; i ava vin enpir ziska aswar.

Nonm 18:23

Zis bann Levit ki annan drwa fer servis dan Latant Rankont SENYER. Zot ava responsab pour zot pese. Sa i en lalwa ki zot ek zot desandan pou bezwen garde pour touzour.

Nonm 19:10

Sa zonm ki ranmas lasann sa bef ava osi lav son lenz; me i pou reste enpir ziska aswar. Sa i en regleman pour tou zenerasyon pour touzour, menm pour bann etranze ki reste parmi zot.

Nonm 19:7

Pret ava lav son lenz e pran en ben dan delo; apre, i ava antre dan kan. Me i pou reste enpir ziska aswar.

Nonm 19:8

Sa enn ki'n bril sa bef i ava osi lav son lenz e pran en ben dan delo; i pou reste enpir ziska aswar.

Ebre 10:4

akoz i enposib fer disparet pese par disan toro ek bouk.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.