Nonm 19:2 - Labib An Kreol Seselwa

² Sa i lalwa ki SENYER ti donnen: Dir pep Izrael anmenn devan ou en bef rouz ki napa okenn defo e ki pa ankor anmenn okenn fardo.

Nonm 19:2 ပူးပေါင်းရင်းမြစ်များ

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Lamantasyon 1:14

I'n fer en pake avek mon bann pese ki i'n met lo mon zepol. I'n diminyen mon lafors. SENYER in livre mwan dan lanmen lennmi. Mon pa kapab defann mon lekor.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 14:6

I ava pran sa zwazo vivan, dibwa sed, sa lalenn rouz ek sa brans izop e tranp tou ansanm avek sa zwazo vivan dan disan sa zwazo ki'n ganny touye anba delo kouran.

Nonm 19:1

SENYER ti dir Moiz ek Aaron:

Nonm 19:6

Pret ava pran dibwa sed, izop ek en riban rouz e zet tousala dan dife kot sa bef pe brile.

Nonm 31:21

Pret Eleazar ti dir avek bann gerye ki ti'n al lager: La bann regleman ki SENYER in donn Moiz:

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Deterononm 21:3

Apre, bann ansyen sa lavil ki pli pros avek sa kadav, ava pran en zenn bef ki pa ankor servi pour travay, enn ki pa'n zanmen anmenn fardo lo son zepol.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

1 Samyel 6:7

Aprezan, fer en saret nef e pran de vas, ki son piti pe ankor tete e ki pa'n zanmen travay; anmar zot avek saret e anmenn zot piti dan park.