Nonm 19:16 - Labib An Kreol Seselwa

¹⁶ Si en dimoun i dan laplenn e i tous lekor en zonm ki'n ganny touye oubyen ki'n mor en lanmor natirel, si i tous kadav en dimoun mor oubyen en latonm, i pou reste enpir pandan set zour.

Nonm 19:16 ပူးပေါင်းရင်းမြစ်များ

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Ezekyel 44:26

Apre son pirifikasyon, i ava esper set zour.

Levitik 21:1

SENYER ti koz avek Moiz: Dir avek bann pret, zanfan Aaron. Dir zot: En pret pa kapab rann li enpir akoz en lanmor dan son fanmir,

Nonm 19:11

En dimoun ki tous nenport lekor mor, pou reste enpir pandan set zour.

Nonm 19:15

Tou bann resipyan ouver e ki napa en kouvertir sere lo la dan latant, pou osi vin enpir.

Nonm 31:19

Zot ava reste an deor kan pandan set zour. Sa bann parmi zot ki'n touy dimoun oubyen ki'n tous en kadav, ava bezwen pirifye zot ek zot prizonnyen, trwazyenm zour e setyenm zour.

Nonm 5:2

Donn lord pep Izrael e dir zot ki zot devre met an deor kan, tou bann dimoun ki ganny en maladi ki parey lalep, bann ki annan en desarz e tou bann ki'n vin enpir par kontak avek dimoun mor.

Nonm 6:6

Pandan letan ki i'n met li apar pour SENYER, i pa devre al obor en kadav.

Nonm 9:6

Me ti annan detrwa dimoun ki pa ti pir, akoz zot ti'n tous en kadav. Zot pa ti kapab selebre Pak sa zour. Alor, sa menm zour, zot ti al war Moiz ek Aaron. Zot ti dir li,

Matye 23:27

Maler lo zot profeser Lalwa ek bann Farizyen! Bann ipokrit! Zot parey bann latonm blansi ki paret zoli an deor, me ki anndan i plen avek bann lezo dimoun mor ek tou kalite lapouritir.

Levanzil dapre Lik 11:44

Maler lo zot ki parey bann latonm san mark: Dimoun i mars lo la san konnen.”