Nonm 19:12 - Labib An Kreol Seselwa

¹² I pou bezwen pirifye li avek delo pirifikasyon lo trwazyenm zour e lo setyenm zour. Si i pa fer pirifikasyon lo trwazyenm zour, i pa pou pir lo setyenm zour.

Nonm 19:12 ပူးပေါင်းရင်းမြစ်များ

Psonm 51:7

Pirifye mwan avek brans izop e mon ava prop. Lav mwan e mon ava vin pli blan ki lannez.

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Egzod 19:15

I ti dir zot, “Met zot pare pour trwazyenm zour e pa bezwen ganny relasyon seksyel avek zot bann fanm.”

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Levitik 14:7

I ava fer laspersyon set fwa lo sa dimoun ki devre ganny pirifye avek son maladi ki parey lalep. Apre, i ava deklar li pir, e i ava larg sa zwazo vivan e les li anvol ver lakanpanny.

Levitik 7:17

Me lavyann sakrifis ki ankor reste trwazyenm zour, i devre ganny brile.

Nonm 31:19

Zot ava reste an deor kan pandan set zour. Sa bann parmi zot ki'n touy dimoun oubyen ki'n tous en kadav, ava bezwen pirifye zot ek zot prizonnyen, trwazyenm zour e setyenm zour.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.