Nonm 18:21 - Labib An Kreol Seselwa

²¹ SENYER ti kontinyen: Mon donn bann Levit tou ladim ki lepep i ofer mwan. Sa i zot par pour servis dan Latant Rankont SENYER.

Nonm 18:21 ပူးပေါင်းရင်းမြစ်များ

Zenez 14:20

Loue Bondye Treo, ki'n livre ou lennmi dan ou lanmen! Abranm ti donn Melkisedek en dizyenm lo tou sa ki i ti'n pran.

Zenez 47:24

Lo bann rekolt, zot ava donn Faraon en senkyenm parti e leres ava vin pour zot. Zot ava gannyen pour senmen ek dekwa pour manze, pour zot ek zot fanmir.”

Zenez 47:26

Alor Zozef ti fer en lalwa ki ankor egziste ozordi, konmkwa Faraon i resevwar en senkyenm tou rekolt. Zis later bann pret ki Faraon pa ti aste.

2 Kronik 31:12

Lepep ti anmenn regilyerman zot prodwi, zot ladim ek bann lofrann sakre. Levit Konanya ti annan responsabilite pour sa bann don; son frer Simei ti asiste li.

Nehemi 10:29

ti zwenn ansanm avek zot bann frer, bann sef. Zot ti pret serman pour swiv lalwa ki Bondye ti donnen par lentermedyer Moiz, serviter Bondye e pour met an pratik tou bann komannman SENYER, nou SENYER, son bann regleman ek son bann lalwa.

Nehemi 10:37

Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.

Nehemi 10:38

Pret, garson Aaron, ava akonpanny bann levit ler zot resevwar ladim. Bann levit ava pran en dizyenm parti ladim e anmenn dan tanp Bondye, dan bann lasal trezor.

Nehemi 12:44

Sa lepok, zot ti nonm bann zonm pour sirvey bann lasal kot ti konserv bann lofrann bann premye fri, bann premye rekolt avek bann ladim. Zot ti ganny lord pour kolekte, dan teritwar antye, dan bann lavil, bann par ki dapre lalwa, ti al pour bann pret ek bann levit, akoz Zida ti kontan ki bann pret ek bann levit ti pe byen fer sa travay.

Nehemi 12:47

Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.

Nehemi 13:12

Alor, pep Zida antye ti anmenn ladim dible, diven ek delwil dan bann magazen.

Nehemi 13:5

ti'n prepar en gran lasanm pour Tobiya. Dan sa landrwa, oparavan, zot ti plas bann lofrann vezetal, lansan, bann istansil, ladim dible, diven ek delwil, bann par pour bann levit, bann santer, bann portye, ek kontribisyon pour bann pret.

Malasi 2:4

Alor, zot ava konnen ki se mwan menm SENYER liniver ki'n anvoy sa lavertisman, pour ki mon lalyans avek desandans Levi i reste valab.

Malasi 3:10

Anmenn tou ladim dan trezor tanp, pour ki i annan touzour dekwa manze dan mon lakaz, SENYER liniver i deklare. Teste mwan e zot ava war si mon pa pou ouver rezervwar lesyel e devers lo zot toudsort benediksyon annabondans.

Nonm 18:6

Mwan, mon'n swazir ou frer bann Levit parmi bann tribi Izrael. Zot en don ki mon fer ou; zot ava pour SENYER pour ofer servis dan Latant Rankont SENYER.

Nonm 3:6

Fer tribi Levi vini e met zot pare pour asiste Aaron.

Nonm 31:28

Dan par bann zonm ki ti al lager, tir en par pour SENYER: En zonm lo sak 500, en zannimo lo sak 500, bef, bourik, kabri ek mouton.

Galat 6:6

Sa enn ki resevwar lansennyman Laparol, i devre partaz sa ki i annan avek sa enn ki ansenny li.

Deterononm 18:8

I ava resevwar menm par manze ki lezot levit e profit lo reveni lavant son propriyete.

Ebre 7:5

Bann desandan Levi, ki ti vin pret dapre lalwa, zot annan drwa pran ladim pep Izrael, savedir avek zot bann prop frer, ki pourtan ti osi desandan Abrahanm.