Nonm 18:10 - Labib An Kreol Seselwa

¹⁰ Zot ava manz tousala koman bann keksoz sakre. Tou bann zonm ava kapab manze, zot ava sakre pour ou.

Nonm 18:10 ပူးပေါင်းရင်းမြစ်များ

Ezekyel 42:13

Sa zonm ti dir mwan: Bann lasal ki vir lo kote Nor e lo kote Sid i bann lasal sakre, kot bann pret ti prezant devan SENYER, pour manz bann lofrann tre sakre. La kot zot met bann lofrann tre sen: Bann lofrann vezetal ek zannimo ofer pour diferan sakrifis pour pardon pese, akoz sa landrwa i sen.

Levitik 10:13

Fodre manz sa lavyann dan en landrwa sen. Sa i ou par e par ou bann garson sorti dan lofrann brile pour SENYER, dapre lord ki mon ti gannyen.

Levitik 10:17

“Akoz zot pa'n manz sa lavyann sakrifis pour pardon pese dan en landrwa sen? Sa i en keksoz tre sen ki Bondye in donn zot pour zot delivre lepep avek son pese, e fer rityel pardon pour zot devan SENYER.

Levitik 14:13

I ava egorz sa mouton la kot zot egorz zannimo pour pardon pese oubyen pour sakrifis konplet, dan en landrwa sen. Annefe, sakrifis reparasyon, parey sakrifis pour pardon pese i tre sen. I en lofrann strikteman rezerve pour Bondye e i vin pour pret.

Levitik 21:22

Sepandan, i ava kapab manz nouritir son Bondye, sa ki tre sakre e sa ki sakre.

Levitik 6:16

Aaron ek son bann garson ava manz tou sa ki reste. Zot ava manz li koman bann gato san lelven, dan en landrwa sakre. Zot ava manz dan lakour Latant Rankont.

Levitik 6:18

Tou bann desandan mal dan lafanmir Aaron ava kapab manze. Sa i zot par pour touzour, sorti kot SENYER dan bann sakrifis brile par dife. Tou sa ki tous zot ava vin sen.

Levitik 6:26

Sa pret ki ofer sa sakrifis pour pardon pese ava manz en pe; i ava manz li dan en landrwa sakre, dan lakour Latant Rankont.

Levitik 6:29

Tou mal dan lafanmir bann pret ava kapab manz sa lavyann ki tre sen.

Levitik 7:6

Tou bann mal dan lafanmir bann pret, ava kapab manze; zot ava manz sa dan en landrwa sen. Sa i en sakrifis tre sakre.

Nonm 18:11

La ankor sa ki mon donn ou: Tou lofrann spesyal ki ganny ofer par lepep i pour ou, pour ou bann garson e ou bann fiy pour touzour. Tou manm ou fanmir, ou bann garson ek fiy ki pir ava kapab manze.

Nonm 18:9

La sa ki mon'n donn ou parmi bann lofrann sakre ki pa'n ganny ofer pour ganny brile: Tou zot bann don, zot bann lofrann vezetal; tou sakrifis pour pese, zot sakrifis pour reparasyon zot pese. Tousala i sakre, tou sa bann lofrann i pour ou e pour ou bann garson.