Nonm 17:5 - Labib An Kreol Seselwa

⁵ Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.

Nonm 17:5 ပူးပေါင်းရင်းမြစ်များ

2 Kronik 26:16

Me ler i ti'n vin pwisan, lorgey ti ranpli son leker e fer li tonbe. I pa ti fidel anver SENYER son Bondye. I ti fer en sakrilez: I ti antre dan tanp SENYER pour bril lansan lo lotel lansan.

Esdras 2:62

Zot ti rod zot non lo rezis bann zanset, me zot pa ti trouve. Alor, zot ti ganny tire lo lalis bann pret e ganny konsidere koman enpir.

Psonm 105:26

I ti anvoy son serviter Moiz ek Aaron ki i ti'n swazir.

Egzod 16:7

e demen bomaten, zot pou war laglwar SENYER, akoz in antann zot pe mirmire kont li. Ki nou ete, pour zot mirmire kont nou?”

Ezai 11:1

En bourzon ava sorti dan tron Zese, en brans ava sorti dan son rasin.

Ezai 13:11

Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 23:27

Mon pou met en lafen avek ou bann aksyon imoral ek ou lavi prostitisyon ki ou ti'n konmanse depi ki ou'n sorti Lezip. Ou pou nepli get zonm, ni mazin Lezip.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Nonm 1:51

Sak fwa ki Latant i ganny deplase, bann levit ava bezwen demont li, e sak fwa ki zot arete pour kanpe, bann levit ava remont li. Si en dimoun i aprose, i devret ganny met anmor.

Nonm 11:1

Lepep ti konmans konplent kont SENYER. Sa ti fer lakoler SENYER monte. Dife SENYER ti desann e bril en bout kan.

Nonm 16:11

Pour sa rezon, ou ek ou group ki avek ou, zot pe revolte kont SENYER. Ki zot annan pour zot revolte kont Aaron?”

Nonm 16:5

I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

Nonm 17:10

SENYER ti dir Moiz: Pran baton Aaron e remet li devan Kof Lalyans. I ava en lavertisman pour bann rebel, pour ki zot aret fer konplent kont mwan, sankwa zot pou mor.

Nonm 17:6

Moiz ti dir tousala avek pep Izrael: Sak tribi ti prezant en baton avek non son sef lo la. Ti annan 12 baton an tou. Baton Aaron ti dan milye lezot baton.

Nonm 17:8

Lannmen, kan Moiz ti antre dan Latant, baton Aaron pour tribi Levi ti'n bourzonnen; bouton ti'n sorti e ti'n fleri. I ti annan fri lamann mir lo la.

1 Korentyen 10:10

Pa plennyen parey serten parmi zot ti fer e zot ti ganny eksterminen.

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.