Nonm 16:5 - Labib An Kreol Seselwa

⁵ I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

Nonm 16:5 ပူးပေါင်းရင်းမြစ်များ

Psonm 105:26

I ti anvoy son serviter Moiz ek Aaron ki i ti'n swazir.

Psonm 115:10

Bann pret, desandan Aaron! Met zot konfyans dan SENYER. I zot lafors e zot soutyen.

Psonm 65:4

I byennere sa enn ki ou swazir pour anmenn viv dan ou sanktyer! Nou pou rasazye avek tou bann bon keksoz ki sorti kot ou dan ou tanp sakre.

Egzod 28:1

SENYER ti ordonn Moiz: Konvok parmi Izrael ou frer Aaron ek son bann garson, Nadab, Abihou, Eleazar ek Itamar. Met zot apar pour servi mwan koman pret.

Egzod 28:41

Ou ava abiy ou frer Aaron ek son bann garson. Ou ava donn zot lonksyon, ordonn zot e konsakre zot pour zot servi mwan koman pret.

Egzod 28:43

Aaron ek son bann garson ava met sa kannset ler zot ava antre dan Latant Rankont, oubyen ler zot ava apros kot lotel pour servis sanktyer. Konmsa, zot pa ava koupab pour okenn fot, pour ki zot pa mor. Sa i en regleman pour touzour ki aplik pour Aaron e pour son desandans.

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 50:44

Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

Ezekyel 40:46

Lasal enteryer ki vir kote Nor i pour bann pret ki ansarz lotel; zot bann desandan Sadok. Zis zot, parmi bann desandan Levi, ki kapab prezant zot devan SENYER pour servi li.

Ezekyel 43:19

ou ava remet en toro pour sakrifis pardon pese avek bann pret levit ki sorti dan fanmir Sadok. Zis zot ki annan drwa prezant devan mwan, Senyer BONDYE i deklare.

Ezekyel 45:4

I pou en porsyon later sakre dan pei; met li apar pour bann pret ki dan servis tanp devan SENYER. I ava en landrwa sakre pour tanp, anmenmtan, i ava servi koman lakaz pour pret.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Levitik 8:2

“Apel Aaron ek son bann garson. Pran bann lenz sakre, delwil pour konsekrasyon; pran toro pour sakrifis pardon pese, de mouton mal, ek korbey dipen san lelven.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Nonm 16:3

Zot ti met zot ansanm kont Moiz ek Aaron. Zot ti dir: Ou'n al tro lwen. Pep Izrael antye i sen e SENYER i la parmi nou. Avek ki drwa zot oule plas zot par lao lasanble SENYER?

Nonm 16:6

La sa ki zot ava fer: Kore ek kominote antye ava pran zot lansanswar.

Nonm 17:5

Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.

Nonm 17:8

Lannmen, kan Moiz ti antre dan Latant, baton Aaron pour tribi Levi ti'n bourzonnen; bouton ti'n sorti e ti'n fleri. I ti annan fri lamann mir lo la.

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Akt de Zapot 1:2

ziska zour ki i ti mont dan lesyel. Avan mont dan lesyel, i ti donn bann lenstriksyon, par Lespri Sen pour bann zonm ki i ti'n swazir koman zapot.

Akt de Zapot 1:24

Zot ti priye, “Senyer! Ou ki konn leker tou dimoun, montre nou ant sa de, lekel ki ou'n swazir,

Akt de Zapot 13:2

En zour, pandan ki zot ti pe ador Senyer e fer zenn, Lespri Sen ti dir zot, “Met Barnabas ek Sol apar. Mon'n swazir zot pour akonpli en misyon.”

Akt de Zapot 15:7

Apre en long diskisyon, Pyer ti leve. I ti dir, “Mon bann frer! Zot tou zot konnen ki depi en bon pe letan, Bondye ti swazir mwan parmi zot, pour ki par mon labous, bann non-Zwif i antann parol Bonn Nouvel e krwar.

Akt de Zapot 22:14

I ti azoute, “Bondye nou bann zanset in swazir ou davans pour fer ou konn son lavolonte, pour ou war sa enn ki Zis, e pour ou antann son prop lavwa.

Efezyen 2:13

Me aprezan, ini avek Kris, zot ki ti lwen avek li, zot in ganny raprose avek li, par son lanmor.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.