Nonm 16:13 - Labib An Kreol Seselwa

¹³ I pa ase ki ou'n deza fer nou sorti dan en pei kot i koul dile ek dimyel, pour anmenn nou mor dan dezer? Aprezan, ou oule kontinyen domin nou koman nou sef?

Nonm 16:13 ပူးပေါင်းရင်းမြစ်များ

Egzod 1:11

Alor, bann Ezipsyen ti apwent bann sirveyan sever pour kraz zot avek travoforse. Konmsa ki bann Izraelit ti konstri lavil Pitonm ek Ranmses pour gard rezerv manze pour Faraon.

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 17:3

Annefe, lepep ti swaf e zot ti mirmire kont Moiz, “Akoz ou'n fer nou sorti Lezip? Eski ou anvi touy nou, nou bann zanfan ek nou zannimo par laswaf?”

Egzod 2:14

Sa zonm ti reponn, “Lekel ki'n apwent ou sef e ziz lo nou? Eski ou annan lentansyon touy mwan parey ou ti touy sa Ezipsyen?” Moiz ti per; i ti dir dan li menm: Dimoun in konnen sa ki mon'n fer.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Ezekyel 34:18

Pa zis kontante ki zot manz bon zerb. Eski zot bezwen kraz tou leres? Pa ase ki zot bwar delo kler? Eski fodre ki zot sali leres avek zot lapat?

Nonm 11:20

me pour en mwan antye, ziska i sorti par zot nennen, ziska zot ava degout lavyann. Tousala, akoz zot in rezet SENYER ki parmi zot; zot in mirmire devan li e zot in dir: Akoz nou'n sorti Lezip?”

Nonm 11:4

Parmi pep Izrael, ti annan group etranze ki ti ranpli avek tou kalite lanvi. Bann Izraelit osi ti pe konmans konplent: Kote nou pou ganny en pe lavyann pou manze?

Nonm 11:5

Nou rapel byen: Pwason ti annabondans Lezip; ti osi annan kokonm, melon, pwaro, zonnyon ek lay.

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Nonm 14:2

Lepep antye ti konplent kont Moiz ek Aaron. Zot tou, zot ti dir: Plito nou ti'n mor Lezip; plito nou ti'n mor dan sa dezer!

Nonm 14:3

Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

Nonm 16:12

Moiz ti fer apel Datann ek Abiranm, garson Eliab. Me zot ti reponn: Non! Nou pa pe vini!

Levanzil dapre Lik 19:14

Me bann sitwayen ti deteste li. Zot ti anvoy en delegasyon deryer li pour dir: Nou pa oule sa zonm koman nou lerwa.

Akt de Zapot 7:35

Sa Moiz ki bann Izraelit ti rezete, kan zot ti dir li: Lekel ki'n etabli ou koman sef e ziz? Bondye ti anvoy li koman sef e liberater, par lentermedyer sa lanz ki ti aparet avek li dan sa zarbis.