Nonm 15:30 - Labib An Kreol Seselwa

³⁰ Me si en natif Izraelit oubyen en etranze i fer en pese volonter, i komet en lofans anver SENYER, pou napa pardon pour li. I devret ganny pouse dan kominote.

Nonm 15:30 ပူးပေါင်းရင်းမြစ်များ

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

Liv Zob 38:15

Alor, bann malfeter pa kapab kont lo fernwanr, e zot nepli kapab fer ditor personn.

Psonm 19:13

Protez ou serviter kont bann arogan. Pa les zot domin mwan, pour ki mon ava san repros e ganny prezerve kont okenn fot grav.

Psonm 69:9

Lanmour ki mon annan pour ou tanp i brile dan mwan parey en dife. Bann lensilt ki ganny fer kont ou i retonm lo mwan.

Psonm 74:18

Pa oubliye SENYER: Ou bann lennmi pe ensilte ou. En pep fou pe denigre ou non.

Psonm 74:22

Leve SENYER! Vin defann ou lakoz. Mazinen ki mannyer en bann fou pe touzour ensilte ou.

Psonm 79:12

Bann pep vwazen in ensilte ou, SENYER. Fer zot pey set fwa bann lensilt ki zot in fer ou.

Psonm 89:51

SENYER! Mazin bann repros ki lo ou serviter. Mazin sa pep ki ou'n met mwan ansarz.

Egzod 21:14

Me si dan lakoler, en zonm i atak en lot par riz e i touy li, ou ava aret li, menm akote mon lotel pour li ganny touye.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Proverb 14:31

Sa enn ki oprim en pov i ensilte son Kreater; sa enn ki sekour en pov i onor SENYER.

Ezekyel 20:27

Alor, ou ki en imen, koz avek pep Izrael, dir zot: La sa ki Senyer BONDYE i deklare: Zot bann zanset in ankor ensilte mwan par zot enfidelite.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Nonm 15:29

Menm lareg ava aplik pour bann natif Izraelit e pour bann etranze ki reste parmi zot. Menm lalwa ava aplik pour zot tou, ler zot fer en pese envolonter.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Matye 12:32

En dimoun ki blasfenm kont Fis-de-Lonm ava ganny pardonnen. Me en dimoun ki blasfenm kont Lespri Sen pa pou zanmen ganny pardonnen, ni dan sa monn, ni dan lot.”

Deterononm 1:43

Mon ti koz avek zot; me zot pa ti oule ekoute. Zot ti revolte kont lord SENYER e zot ti ganny lodas mont dan montanny.

Deterononm 32:27

Me mon ti per provokasyon lennmi. Zot bann ladverser ava riske mal konpran e dir: Nou lanmen ki pwisan pa SENYER ki'n fer tousala.

Ebre 10:26

Si nou kontinyen fer pese volonterman, apre ki nou'n konn laverite, pou nepli annan sakrifis ki kapab fer disparet nou pese.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

1 Zan 5:16

Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.

1 Samyel 2:25

Si en dimoun i komet pese kont en lot dimoun, Bondye i pled pour li, me si en dimoun i komet pese kont Bondye, lekel ki pou pled pour li?” Me zot pa ti ekout zot papa, akoz SENYER ti deside ki zot devre mor.

1 Samyel 3:14

Alor, mon'n fer en serman konsernan fanmir Eli; akoz sa krim, mon pa pou zanmen aksepte ni sakrifis, ni lofrann.”