Nonm 15:24 - Labib An Kreol Seselwa

²⁴ Si sa i en fot envolonter san ki kominote i konnen, kominote antye ava ofer en toro koman sakrifis konplet, ki ava donn en loder ki fer plezir SENYER. Zot ava azout en lofrann vezetal avek lofrann diven, dapre regleman. An plis ki sa, zot ava ofer en bouk koman en sakrifis pour efas pese. Sa ava donn en loder ki fer plezir SENYER.

Nonm 15:24 ပူးပေါင်းရင်းမြစ်များ

Esdras 6:17

Zot ti ofer pour selebrasyon dedikas tanp Bondye, koman sakrifis, 100 toro, 200 mouton mal, 400 zenn mouton, e pour pese Izrael antye, 12 bouk, dapre kantite tribi Izrael.

Esdras 8:35

Tou dimoun ki ti'n retournen sorti annegzil ti ofer sakrifis anver Bondye Izrael. Zot ti prezant 12 toro pour Izrael, 96 mouton mal, 77 zenn mouton ek 12 bouk pour sakrifis pese. Zot ti ofer tousala koman sakrifis konplet pour SENYER.

Levitik 23:19

Zot ava osi ofer en bouk koman en sakrifis pour pardon pese, avek de zenn mouton aze enn an pour en sakrifis lape.

Levitik 4:2

Dir avek pep Izrael: Si enkonsyanman, en dimoun i fer pese kont enn sa bann komannman SENYER,

Levitik 4:22

Si san realize, en sef i komet en pese kont enn sa bann komannman SENYER son Bondye, e rann li koupab;

Levitik 4:23

ler i dekouver sa fot ki i'n komet, i devre ofer en bouk, san defo.

Levitik 5:15

Si, enkonsyanman, en dimoun i komet en fot grav, an gardan sa ki'n konsakre pour SENYER, la sa ki i devre fer: I ava anmenn devan SENYER, koman sakrifis reparasyon, en mouton mal, san defo, sorti dan son troupo. Son valer pou ganny estimen an pyes larzan, dapre valer ki an viger dan sanktyer.

Levitik 5:18

I devre anmenn kot pret en mouton mal, san defo, sorti dan son troupo, estimen dapre valer pour sakrifis reparasyon. Pret ava fer rityel pardon pour fot ki i'n komet san ki i ti rann kont, e i ava ganny pardonnen.

Nonm 15:23

depi zour SENYER ti donn sa bann komannman atraver tou bann zenerasyon.

Nonm 15:26

Lepep ava ganny pardonnen ansanm avek tou bann etranze ki parmi zot, akoz zot tou, zot koupab pour sa fot envolonter.

Nonm 28:15

An plis ki sa bann sakrifis ordiner e bann lofrann diven, zot ava ofer en bouk pour pardon pese.