Nonm 14:9 - Labib An Kreol Seselwa

⁹ Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Nonm 14:9 ပူးပေါင်းရင်းမြစ်များ

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

2 Kronik 13:12

Bondye li menm i nou sef. Son bann pret avek zot tronpet i pare pour soufle lapel lager kont zot. Pep Izrael! Pa bezwen lager kont SENYER, Bondye zot zanset; zot pa pou ganny laviktwar.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 20:17

Zot pa bezwen atake; zis pran pozisyon e espere. Zot ava war kot SENYER i ranport laviktwar pour zot. Pep Zida ek pep Zerizalenm! Pa per. Pa bezwen per. Sorti demen e al atak zot. Mwan SENYER, mon pou avek zot.

2 Kronik 32:8

Avek li, i annan zis lafors imen, me SENYER, nou Bondye i avek nou. Li menm nou sekour e i pou konbat dan nou plas. Parol Ezekyas, lerwa Zida, ti donn konfyans lepep.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Psonm 106:24

Zot ti rezet sa pei merveye akoz zot pa ti krwar dan son promes.

Psonm 121:5

SENYER i ou protekter. SENYER i ou lonbraz ki reste lo ou kote drwat.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 46:11

SENYER liniver i avek nou; Bondye Zakob i nou labri.

Psonm 46:7

SENYER liniver i avek nou; Bondye Zakob i nou labri.

Psonm 46:8

Vini! Get sa ki SENYER in fer. Get bann ravaz ki i'n fer lo later.

Psonm 74:14

Ou'n kraz bann latet Leviatan. Ou'n donn li pour manze avek en pep ki reste dan dezer.

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 33:16

Ki mannyer lezot pou konnen ki nou ou pep ki ou'n swazir? Nou diferan avek lezot pep lo later.”

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 42:11

Aprezan, pa bezwen per lerwa Babilonn! Pa bezwen per li, akoz mon avek zot e mon pou sov zot, SENYER i deklare. Mon avek zot, mon pou delivre zot anba son pouvwar.

Zeremi 48:45

Bann refizye san okenn defans pou esey al rod proteksyon dan Hesbonn, sa lavil ki ti ganny dirize par lerwa Siyonn. Me la i pe brile. Dife in detri tou, depi frontyer ziska latet bann montanny. Moab, sa pei kot son bann zabitan i kontan lape.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Nonm 13:30

Kaleb ti fer lepep aret mirmire kont Moiz. I ti dir, “Annou al atak zot konmela menm e pran zot pei; nou ase for, nou pou ganny laviktwar.”

Nonm 17:6

Moiz ti dir tousala avek pep Izrael: Sak tribi ti prezant en baton avek non son sef lo la. Ti annan 12 baton an tou. Baton Aaron ti dan milye lezot baton.

Nonm 20:2

Ti napa delo pour lepep e zot ti konplent avek Moiz ek Aaron.

Nonm 24:8

Bondye in fer zot sorti Lezip; i annan lafors en toro sovaz. I ti devor bann nasyon lennmi; kraz zot lezo e atak zot avek bann fles.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 1:21

Gete! SENYER, ou Bondye in donn ou sa pei. Monte, al pran posesyon parey SENYER, Bondye ou bann zanset in promet zot; pa bezwen per, pran kouraz.

Deterononm 1:26

Me zot ti refize antre dan sa pei e zot ti revolte kont lord SENYER, zot Bondye.

Deterononm 1:29

Mon ti dir zot: Pa tranble, pa per zot.

Deterononm 31:6

Reste for e pran kouraz! Pa bezwen ni per ni tranble devan zot, akoz SENYER, ou Bondye pe mars avek ou; i pa pou deles ou ni abandonn ou.

Deterononm 31:8

SENYER pou mars devan ou. I pou avek ou; i pa pou deles ou ni abandonn ou. Pa bezwen per ni tranble.”

Deterononm 32:42

Mon pou fer mon bann fles soule avek disan e mon lepe pou devor zot laser avek disan bann blese ek bann prizonnyen, bann lennmi avek seve long.

Deterononm 7:18

Pa per zot! Zis mazin sa ki SENYER, ou Bondye ti fer Faraon ek Lezip antye,

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”

Ziz 1:22

Tribi Zozef osi ti al atak Betel e SENYER ti avek zot.