Nonm 14:3 - Labib An Kreol Seselwa

³ Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

Nonm 14:3 ပူးပေါင်းရင်းမြစ်များ

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Psonm 78:40

Souvan dan dezer, zot ti rebel kont li. Souvan zot ti ofans li dan dezer.

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 5:21

Zot ti dir Moiz ek Aaron, “SENYER i war sa ki zot in fer, e i ava ziz zot. Zot in fer Faraon avek son bann serviter deteste nou. Ou'n met en lepe dan zot lanmen pour touy nou.”

Zeremi 42:14

e si zot dir: Non, nou pa oule viv dan sa pei, me nou prefer al viv Lezip. Laba, pou nepli annan lager, nou pa pou antann son tronpet ki anons lager, nou pa pou soufer lafen. Laba ki nou oule reste.

Zeremi 42:19

SENYER in dir ou, restan lepep ki dan Zida: Pa al Lezip. Sa i en lavertisman serye ki zot gannyen ozordi.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Nonm 11:20

me pour en mwan antye, ziska i sorti par zot nennen, ziska zot ava degout lavyann. Tousala, akoz zot in rezet SENYER ki parmi zot; zot in mirmire devan li e zot in dir: Akoz nou'n sorti Lezip?”

Nonm 16:13

I pa ase ki ou'n deza fer nou sorti dan en pei kot i koul dile ek dimyel, pour anmenn nou mor dan dezer? Aprezan, ou oule kontinyen domin nou koman nou sef?

Nonm 20:3

Lepep ti revolte kont Moiz. Zot ti dir, “Plito nou osi nou ti'n mor avek nou bann fanmir devan SENYER.

Nonm 21:5

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Akt de Zapot 7:39

Nou bann zanset ti refize obei li. Zot ti rezet li, e dan zot leker, zot ti oule retourn Lezip.

Deterononm 1:39

Me zot bann zanfan ki pa ankor konn diferans ant sa ki byen ek sa ki mal, ki zot ti krwar lennmi pou pran prizonnyen, pou antre dan sa pei. Mon pou donn zot sa pei; zot ki pou pran posesyon.