Nonm 14:18 - Labib An Kreol Seselwa

¹⁸ Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Nonm 14:18 ပူးပေါင်းရင်းမြစ်များ

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Liv Zob 21:19

zot dir ki Bondye i pini bann zanfan dan plas zot papa. Sa papa menm ki devre ganny pini pour donn li en leson.

Psonm 103:8

SENYER i ranpli avek konpasyon e i bon; i pasyan e ranpli avek fidelite.

Psonm 108:4

Ou fidelite i pli gran ki lesyel; ou lanmour i ariv ziska dan nyaz.

Psonm 109:14

Fot son papa ek son gran papa ava reste la, devan SENYER e pese son manman pa pou ganny efase.

Psonm 145:8

SENYER i bon e i pran pitye; i pasyan e son fidelite i gran.

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Lamantasyon 5:7

Nou bann zanset ki ti fer pese, me zot in mor. Nou ki pe anmenn konsekans zot fot.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Nonm 14:17

Aprezan, SENYER, mon sipliy ou! Montre ou gran pwisans parey ou'n promet ler ou ti dir:

Nonm 23:21

I pa'n war okenn maler dan Zakob. I pa war okenn lenzistis dan Izrael. SENYER, zot Bondye i avek zot. I'n ganny proklanmen ki li menm li zot lerwa.

Romen 5:21

Ensi, pese in rennyen par son pouvwar lanmor. Demenm, lagras i renny par lazistis pour lavi eternel par Zezi-Kri nou Senyer.

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.

Deterononm 7:10

Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.