Nonm 14:14 - Labib An Kreol Seselwa

¹⁴ Zot in rakont avek zabitan sa pei; sa bann dimoun in tande ki ou SENYER, ou parmi ou pep, ki ou SENYER ou aparet fas a fas. Ou dan nyaz par lao latant. Ou diriz zot dan en kolonn nyaz lizour e dan en kolonn dife aswar.

Nonm 14:14 ပူးပေါင်းရင်းမြစ်များ

Zenez 32:30

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

Nehemi 9:12

Ou ti gid zot pandan lazournen par en kolonn nyaz, aswar par en kolonn dife pour ekler semen ki zot devre swiv.

Nehemi 9:19

Dan ou gran konpasyon, ou pa ti abandonn zot dan dezer. Kolonn nyaz, pa ti arete gid zot pandan lazournen, ni kolonn dife aswar, ki ti kler semen ki zot ti devre swiv.

Psonm 105:39

I ti plas en nyaz pour protez zot; en dife ti ekler zot dan lannwit.

Psonm 78:14

Lizour, i ti gid zot par nyaz e lannwit, par dife.

Egzod 15:14

Bann pep in tande, zot tranble; douler lakousman in sezi bann Filisten.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Egzod 33:16

Ki mannyer lezot pou konnen ki nou ou pep ki ou'n swazir? Nou diferan avek lezot pep lo later.”

Egzod 40:38

Dan lazournen, nyaz SENYER ti reste lo sanktyer; dan lannwit, ti annan en dife dan nyaz ki tou Izrael ti kapab war tou dilon zot vwayaz.

Nonm 10:34

Sak fwa ki zot ti deplase, nyaz SENYER ti touzour la par lao zot pandan lazournen.

Nonm 12:8

Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 14:9

Zezi ti reponn li, “Filip, pandan tou sa letan mon'n avek zot, ou pa ankor konn mwan? Sa enn ki'n war mwan in osi war mon Papa. Akoz ou dir: Montre mwan ou Papa?

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 34:10

Zanmen en lot profet parey Moiz in leve dan Izrael. SENYER ti koz avek li fas a fas.

Deterononm 5:24

Zot ti dir mwan: Gete! SENYER, nou Bondye in montre nou son laglwar ek son grander e nou'n antann son lavwa sorti dan dife. Ozordi, nou'n war ki Bondye i kapab koz avek en imen i sa dimoun i kapab reste vivan.

Deterononm 5:4

SENYER ti koz avek zot fas a fas lo montanny, dan milye dife.

Zozye 5:1

Kan tou bann lerwa Amorit ki ti reste dan Was, lot kote larivyer Zourden, ek tou bann lerwa Kananeen ki ti reste lo bor lanmer Mediterane ti'n tande ki SENYER ti'n fer sek delo larivyer Zourden, ziska ki bann Izraelit ti'n fini traverse, zot ti per e perdi kouraz devan pep Izrael.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.