Nonm 14:11 - Labib An Kreol Seselwa

¹¹ SENYER ti dir Moiz, “Pour konbyen letan ankor sa pep pou rezet mwan? Pour konbyen letan ankor zot pou refize krwar dan mwan, malgre tou sa bann siny ki mon'n fer parmi zot?

Nonm 14:11 ပူးပေါင်းရင်းမြစ်များ

Psonm 106:24

Zot ti rezet sa pei merveye akoz zot pa ti krwar dan son promes.

Psonm 78:22

Zot pa ti krwar dan Bondye. Zot pa ti met zot konfyans dan pwisans son delivrans.

Psonm 78:32

Malgre tousala, zot ti kontinyen fer pese. Zot pa ti krwar dan son bann mervey.

Psonm 95:8

pa andirsi zot leker parey zot ti fer Meriba, parey zot ti fer dan dezer Massa.

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Egzod 16:28

SENYER ti dir Moiz, “Ziska kan eski zot pou refize gard mon bann komannman ek mon bann lalwa?

Egzod 23:21

Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Egzod 32:9

SENYER ti dir Moiz, “Mon'n war ki sa pep, i en pep antete.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Oze 8:5

Samari! Ou zenn bef i ganny rezete. Mon lakoler in monte kont zot. Konbyen letan zot pou kapab viv en lavi inosan?

Zakari 8:14

La sa ki SENYER liniver i deklare: Parey mon ti'n deside detri zot kan zot bann zanset ti provok mon lakoler, mon pa'n sanz mon desizyon, SENYER liniver i deklare:

Nonm 14:23

mon promet ki personn parmi zot pa pou war sa pei ki mon ti promet zot zanset par en serman.

Nonm 14:27

Pour konbyen letan ankor mon pou siport konplent sa move kominote? Mon'n antann bann Izraelit pe proteste kont mwan.

Nonm 32:10

Lakoler SENYER ti sape sa zour. I ti fer sa promes:

Matye 17:17

Zezi ti reponn, “Zenerasyon move e san lafwa! Ziska kan mon bezwen reste avek zot? Ziska kan mon pou bezwen siport zot? Anmenn sa garson isi!”

Mark 9:19

Zezi ti dir zot, “Zot en zenerasyon san lafwa. Ziska kan mon bezwen reste ankor avek zot? Ki kantite letan mon pou la, pour siport zot? Anmenn sa garson kot mwan.”

Levanzil dapre Zan 10:38

Me si mon pe fer travay mon Papa, menm si zot pa krwar mwan, krwar omwen dan bann travay ki mon fer. Konmsa, zot ava rekonnet en fwa pour tou, ki mon Papa i dan mwan e mwan, mon dan mon Papa.”

Levanzil dapre Zan 12:37

Menm si i ti'n fer sitan kantite siny ek mirak dan zot prezans, lafoul pa ti krwar dan li.

Levanzil dapre Zan 15:24

Zot pa ti pou koupab si mon pa ti'n fer sa bann aksyon ki personn pa'n deza fer. Me aprezan, zot in war tou aksyon ki mon'n fer e zot ay nou, mwan ek mon Papa.

Deterononm 1:32

Malgre sa, zot pa ti met zot konfyans dan SENYER, zot Bondye

Ebre 3:16

Lekel sa bann ki ti tande e pourtan ti revolte kont li? Pa tou sa bann ki ti sorti Lezip anba direksyon Moiz?

Ebre 3:18

Avek ki eski Bondye ti fer sa serman ki zot pa pou antre dan son repo, si pa avek sa bann ki ti revolte?

Ebre 3:8

pa andirsi zot leker, parey zot ti fer, kan zot ti revolte, parey sa zour kan zot ti teste mwan dan dezer.