Nonm 14:1 - Labib An Kreol Seselwa

¹ Tou lannwit, kominote Izraelit ti lev lavwa e plere dan detres.

Nonm 14:1 ပူးပေါင်းရင်းမြစ်များ

Psonm 106:25

Zot ti mirmire anba zot latant; zot pa ti ekout lavwa SENYER.

Psonm 78:32

Malgre tousala, zot ti kontinyen fer pese. Zot pa ti krwar dan son bann mervey.

Egzod 13:17

Kan Faraon ti'n les pep Izrael ale, Bondye pa ti kondwir li dan direksyon pei Filisten, menm si sa larout ti pli direk. Annefe, Bondye ti mazinen ki si lepep i devre fer fas avek lager, i ava kapab regrete e deside retourn Lezip.

Egzod 33:4

Kan pep Izrael ti antann sa bann parol menasan, zot ti met dey; personn pa ti met en lenz lafet.

Nonm 13:13

Pour tribi Aser: Setour, garson Mikael.

Nonm 13:33

Nou'n menm war bann zean, desandan Anak. Nou ti parey bann sotrel dan bor zot; nou krwar ki zot osi zot ti war nou konmsa.

Nonm 14:2

Lepep antye ti konplent kont Moiz ek Aaron. Zot tou, zot ti dir: Plito nou ti'n mor Lezip; plito nou ti'n mor dan sa dezer!

Deterononm 1:26

Me zot ti refize antre dan sa pei e zot ti revolte kont lord SENYER, zot Bondye.

Deterononm 1:45

Kan zot ti retournen, zot ti plere devan SENYER. Me SENYER pa ti ni ekout zot lavwa ni pran ka avek zot.

Deterononm 9:23

Osi, SENYER ti fer zot kit Kades Barnea ler i ti dir zot: Monte, al pran posesyon sa pei ki mon pe al donn zot. Zot ti revolte kont lord SENYER, zot Bondye. Zot in refize fer li konfyans e zot in dezobei li.

Zozye 14:8

Mon bann frer ki ti'n mont avek mwan ti dekouraz lepep. Me mwan, mon ti obei SENYER, nou Bondye avek tou mon leker.

1 Samyel 30:4

Alor, David ek tou lepep ki ti avek li ti plere, ziska ki zot ti nepli annan lafors pour plere.