Nonm 13:26 - Labib An Kreol Seselwa

²⁶ Kan zot ti arive, zot ti al war Moiz, Aaron ek pep Izrael, ki ti Kades dan dezer Parann. Zot ti fer en rapor avek Moiz ek Aaron e devan pep Izrael antye. Zot ti montre bann fri ki zot ti'n anmennen, sorti dan sa pei.

Nonm 13:26 ပူးပေါင်းရင်းမြစ်များ

Zenez 14:7

Apre, zot ti retourn ver Enn-Mispat, setadir Kades. Zot ti pran teritwar bann Amalesit ek bann Amorit ki ti reste Hasasonn-Tamar.

Psonm 29:8

Lavwa SENYER i fer dezer tranble. SENYER i fer tranble dezer Kades.

Nonm 13:25

Apre 40 zour eksplorasyon dan sa pei, zot ti retournen.

Nonm 13:3

Moiz ti ekout lord SENYER. I ti anvoy zot depi dezer Parann. Tou sa bann zonm ti sef bann Izraelit.

Nonm 20:1

Pep Izrael, kominote antye, ti ariv dan dezer Sin dan premye mwan e zot ti reste Kades, kot Mirianm ti mor e kot i ti ganny antere.

Nonm 20:14

Depi Kades, Moiz ti anvoy bann mesaze kot lerwa Edonm pour dir li: La sa ki ou bann frer Izrael i dir: Ou'n antann tou mizer ek difikilte ki nou'n pas ladan.

Nonm 20:16

Nou ti kriye e SENYER in antann nou. I ti anvoy son mesaze pou vin delivre nou Lezip. La aprezan, nou'n ariv Kades, en lavil ki baliz avek ou teritwar.

Nonm 32:8

Zot zanset ti fer parey ler mon ti anvoy zot depi Kades Barnea pour eksplor pei.

Nonm 32:9

Zot ti al ziska dan vale Eskol pour eksplor pei. Me ler zot ti retournen, zot ti dekouraz pep Izrael pou antre dan sa pei ki SENYER in donn zot.

Nonm 33:36

Sorti Esyonn-Geber, zot ti al kanp dan dezer Sin, savedir Kades.

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 1:2

I pran 11 zour pour sorti montanny Horeb ziska Kades Barnea, an pasan par rezyon montanny Seir.

Zozye 14:6

En zour, bann desandan sorti dan tribi Zida ti vin Gilgal, pour war Zozye. Kaleb, garson Yefoune, en Kenizit, ti dir li, “Ou konn byen sa ki SENYER ti dir avek Moiz, serviter Bondye ler i ti Kades Barnea, lo nou size.

Zozye 14:7

Mon ti annan 40 an kan Moiz, serviter SENYER, ti anvoy mwan, sorti Kades Barnea, pou al espyonn pei. Mon ti anmenn li en rapor onnet.