Nonm 13:20 - Labib An Kreol Seselwa

²⁰ Gete si later i fertil oubyen pov. Si i bwaze oubyen non. Pran kouraz e anmenn en pe bann fri sa pei. Annefe, sa ti letan rekolt bann premye rapor rezen.

Nonm 13:20 ပူးပေါင်းရင်းမြစ်များ

1 Kronik 22:11

Alor, mon garson, SENYER ava avek ou, pour ki ou reisir e ou ava konstri en tanp pour SENYER, ou Bondye, parey in dir lo ou size.

Nehemi 9:25

Zot ti pran bann lavil fortifye ek en later fertil; zot ti pran bann lakaz ranpli avek toudsort byen, bann sitern ki'n fini ganny fouye, bann plantasyon rezen, zoliv ek en kantite pye fri. Zot ti manze ziska rasazye, angrese. Gras ou gran bonte, zot in viv dan lopilans.

Nehemi 9:35

Pandan ki zot ti dan zot rwayonm, dan byennet ki ou ti'n donn zot, dan sa gran pei fertil ki ou ti'n met devan zot, zot pa ti servi ou e zot pa ti abandonn zot bann move pratik.

Ezekyel 34:14

Mon pou nouri zot dan bann bon laplenn zerb e lo bann montanny Izrael. Zot ava ganny bann laplenn avek zoli zerb pour dormi e pour manze lo bann montanny Izrael.

Danyel 11:24

Trankilman, i pou enstal li dan landrwa pli ris dan provens. I pou fer sa ki ni son bann zanset, ni zanset son bann zanset, pa'n zanmen fer. I pou partaz bann piyaz lager, bann byen ek larises. I pou fer plan pour atak bann lavil fortifye, me zis pandan en serten letan.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Nonm 13:19

Gete si pei i bon oubyen move, si dimoun i reste dan lavil ki antoure avek miray oubyen non.

Deterononm 1:24

Zot ti al dan direksyon montanny. Ler zot ti ariv dan Vale Eskol, zot ti eksplor pei.

Deterononm 1:25

Zot ti pran prodwi sa pei e anmenn kot nou. Zot ti donn nou en rapor. Zot ti dir: Sa pei ki SENYER, nou Bondye pou donn nou i bon.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Zozye 2:3

Alor, lerwa Zeriko ti fer dir Rahab, “Fer sorti sa bann zonm ki'n antre dan ou lakaz akoz zot in vin espyonn pei!”