Nonm 13:17 - Labib An Kreol Seselwa

¹⁷ Moiz ti anvoy zot eksplor pei Kanaan. I ti dir zot: Pran direksyon Nor atraver Negev e mont lo montanny.

Nonm 13:17 ပူးပေါင်းရင်းမြစ်များ

Zenez 12:9

Apre, i ti repran semen par letap dan direksyon Negev.

Zenez 13:1

Abranm ti kit Lezip, e retourn ver Negev avek son fanm ek tou sa ki i ti posede. Lot ti al avek li.

Zenez 13:17

Ale, eksplor sa pei antye, akoz mon pe donn ou tousala.”

Zenez 13:3

I ti kit Negev e par letap, i ti al ziska Betel, landrwa kot i ti'n deza kanpe ant Betel ek Ai.

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

Nonm 13:18

La, zot ava dekouver koman sa pei i ete, zot ava war si son bann zabitan i for oubyen si i feb, si popilasyon i gran ou non.

Nonm 13:29

Bann Amalesit i reste dan rezyon Negev dan Sid; bann Hitit, bann Zebizit e bann Amorit, zot reste dan montanny; bann Kananeen, zot reste obor lanmer e dan rezyon Zourden.

Nonm 14:40

Lannmen, zot ti lev granmaten e mont ver latet montanny. Zot ti dir, “Aprezan, nou pou antre dan later ki Bondye in promet. Nou rekonnet ki nou'n fer pese.”

Deterononm 1:44

Bann Amorit ki ti viv dan sa bann montanny ti atak zot e fer zot fannen parey mous dimyel, depi Seir, ziska Horma.

Zozye 10:40

Zozye ti ganny laviktwar lo sa pei antye ek zot bann lerwa: Rezyon montanny, rezyon Negev, rezyon laplenn, ziska dan bann rezyon anpant. I pa ti les okenn sirvivan. I ti detri tou et vivan, parey SENYER, Bondye Izrael ti'n ordonn li.

Zozye 15:3

I ti kontinyen dan Sid, ver montanny Akrabim, an pasan par Sin, pour remont dan direksyon Sid avek Kades Barnea, pas par Hesronn, mont ver Adar, e tourn dan direksyon Karka.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Ziz 1:15

I ti dir, “Akord mwan en faver. Ou'n deza fer mwan kado en morso later dan Negev; donn mwan osi bann rezervwar delo.” Alor Kaleb ti donn li Gilot Leo e Gilot Leba.

Ziz 1:19

SENYER ti avek Zida ki ti pran posesyon rezyon montanny; me zot pa ti kapab deposed bann zabitan rezyon laplenn, akoz ti annan tro bokou kales lager an fer.

Ziz 1:9

Apre, bann zonm tribi Zida ti al atak bann Kananeen ki ti pe reste dan rezyon montanny, dan Negev ek dan laplenn.