Nonm 12:6 - Labib An Kreol Seselwa

⁶ I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Nonm 12:6 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 28:12

I ti reve: En lesel ti sorti lo later e son latet ti tous lesyel. Bann lanz ti pe monte e desann lo la!

Zenez 28:16

Apre, Zakob ti leve dan son sonmey. I ti dir dan li menm: Sirman SENYER i prezan dan sa landrwa e mwan, mon pa ti konnen.

Zenez 37:5

En zour, Zozef ti ganny en rev, e kan i ti rakont son bann frer sa rev, zot ti deteste li plis ankor.

Zenez 37:9

Zozef ti ganny en lot rev ki i ti rakont son bann frer, “Mon'n ganny en lot rev: Soley, lalin ek 11 zetwal ti pe prosternen devan mwan.”

Zenez 46:2

Aswar, Bondye ti koz avek Izrael atraver bann rev. I ti dir li, “Zakob, Zakob.” I ti reponn, “La mon la.”

2 Samyel 7:4

Sa menm swar, SENYER ti koz avek Natan:

1 Rwa 3:15

Salomon ti leve, e i ti realize ki i ti pe reve. Alor, i ti al Zerizalenm, prezant li devan Kof lalyans SENYER e ofer sakrifis konplet ek sakrifis lakominyon e i ti donn en festen pour tou son bann serviter.

1 Rwa 3:5

Pandan i ti Gabaon, SENYER ti aparet avek Salomon, aswar dan en rev. Bondye ti dir li, “Demann sa ki ou oule, mon ava donn ou.”

Liv Zob 33:15

Aswar, kan zot pe dormi, zot ganny rev ek vizyon.

Liv Zob 4:13

In arive dan en rev pandan lannwit ler en dimoun i dan son profon sonmey.

Psonm 105:15

Pa tous bann ki mon'n konsakre; pa fer ditor mon bann profet.

Psonm 89:19

Dan en vizyon, ou ti koz avek ou bann fidel. Ou ti dir zot: Mon'n poz en kouronn lo en zonm for; mon'n fer loner en zonm ki'n ganny swazir parmi mon pep.

Egzod 7:1

SENYER ti dir Moiz, “Gete! La mon fer ou vin en bondye pour Faraon. Aaron ou frer, ava ou profet.

Zeremi 23:25

Mon'n tande sa ki bann profet pe dir. Zot pretann ki zot koz dan mon non. Zot dir: Mon'n ganny en vizyon! Mon'n ganny en vizyon! Me sa pa vre.

Zeremi 23:28

Sa profet ki'n ganny en rev, i devre rakont son rev! Sa profet ki'n antann en mesaz ki sorti kot mwan, i devre proklanm sa mesaz avek fidelite! Ki lapay pe fer avek dible? SENYER i deklare.

Ezekyel 1:1

Dan senkyenm zour, katriyenm mwan, trantyenm lannen, mon ti parmi bann egzile lo bor larivyer Kebar. Mon ti war lesyel ouver e mon ti war bann vizyon sorti kot Bondye.

Danyel 10:8

Alor, mon ti reste tousel pour get sa vizyon enpresyonnan. Mon lafors ti kit mwan, e mon figir ti sanz kouler e vin tre pal, mon ti nepli annan lafors.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

Danyel 7:1

Pandan premye lannen renny Baltazar, lerwa Babilonn, Danyel ti ganny en rev. I ti war en vizyon pandan ki i ti pe dormi lo son lili. I ti ekri sa rev. La sa ki i ti ekri:

Danyel 8:2

Dan sa vizyon, mon ti war mwan dan lavil Siz, ki dan provens Elanm, obor larivyer Oulai.

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Zoel 3:1

La sa ki SENYER i deklare: Sa zour la, dan sa letan, mon pou retabli sityasyon Zida ek Zerizalenm.

Zakari 1:8

Dan lannwit, mon ti war en zonm pe mont lo en seval rouz! I ti'n arete dan en vale parmi bann pye dibwa. Deryer li, ti annan bann seval kouler rouz, bren e blan.

Nonm 24:4

Parol sa enn ki antann Parol Bondye e war vizyon Bondye Toupwisan.

Matye 1:20

Letan i ti pe mazin sa, en lanz Senyer ti aparet avek li dan en rev. I ti dir li, “Zozef, garson David! Pa bezwen per pour pran Mari koman ou fanm, akoz sa zanfan ki i pou gannyen, in ganny formen par laksyon Lespri Sen.

Matye 2:19

Apre lanmor Herod, en lanz ti aparet avek Zozef Lezip, dan en rev.

Matye 23:31

Alor, zot aksepte zot menm ki zot desandan bann ki'n touy bann profet!

Matye 23:34

Pour sa rezon, mon pou anvoy kot zot, bann profet, bann saz ek bann profeser Lalwa. Zot pou touy serten, e krisifye en bann, fwet lezot dan zot sinagog e persekit zot dan tou lavil kot zot ale.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Matye 27:19

Pandan ki Pilat ti ankour, son fanm ti anvoy li sa mesaz, “Pa mel ou dan zafer sa zonm zis. Akoz li, mon'n soufer bokou dan en rev sa lannwit.”

Levanzil dapre Lik 1:11

Alor, en lanz Senyer ti aparet avek Zakari. I ti debout lo kote drwat lotel lansan.

Levanzil dapre Lik 1:22

Kan i ti sorti, i pa ti kapab koz avek zot. Alor, zot ti konpran ki i ti'n ganny en vizyon letan i ti dan sanktyer. I ti fer siny e i pa ti kapab koze.

Levanzil dapre Lik 20:6

Me si nou dir, i sorti kot zonm, lafoul antye pou saboul nou avek ros, akoz zot sir ki Zan ti en profet.

Akt de Zapot 10:11

I ti war lesyel ouver e en lobze ti desann. Sa lobze ti resanble en gran nap atase par son kat kwen e desann ziska ater.

Akt de Zapot 10:17

Pyer ti demann son lekor, ki sinifikasyon sa vizyon ki i ti'n gannyen. Pandan sa letan, bann zonm ki Korney ti'n anvoye, ti arive devan laport, pour demande kote Simon i reste.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Deterononm 18:15

SENYER, ou Bondye ava anvoy parmi zot prop pep, en profet parey mwan. Zot ava ekout li.

Deterononm 18:18

Mon pou anvoy zot en profet parey ou, sorti parmi zot prop pep. Mon pou met mon bann parol dan labous sa profet ki ava dir zot tou sa ki mon'n ordonnen.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

1 Samyel 28:6

Sail ti konsilte SENYER, me SENYER pa ti reponn li, ni par rev, ni par Ourim, ni par bann profet.

1 Samyel 3:15

Samyel ti dormi ziska bomaten. Ler i ti leve, i ti ouver bann laport tanp. I ti per pour rakont son vizyon avek Eli.

1 Samyel 3:21

Prezans SENYER ti kontinyen aparet dan silo. SENYER ti kominik avek Samyel dan Silo par son Parol.