Nonm 11:31 - Labib An Kreol Seselwa

³¹ SENYER ti fer soufle en divan sorti lo lanmer ki ti anmenn bann zwazo ki apel kay dan kan Izrael lo en distans plizyer kilomet toultour kan. Zot ti tonm partou kote ziska en distans en zour lamars; zot ti kouver later en met oter.

Nonm 11:31 ပူးပေါင်းရင်းမြစ်များ

Psonm 105:40

Zot ti demann manze, e zot ti ganny zwazo; manze sorti dan lesyel ti annabondans.

Psonm 106:15

I ti donn zot sa ki zot ti demande. Apre, i ti anvoy lo zot en maladi ki fer deperi.

Psonm 135:7

I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Egzod 10:13

Alor Moiz ti lev son baton lo Lezip; SENYER ti fer en divan Les soufle lo pei tou lazournen e tou lannwit. Bomaten, divan Les ti'n anmenn bann sotrel,

Egzod 10:19

SENYER ti sanz direksyon divan e fer soufle en gro divan Was ki ti lev bann sotrel e zet zot dan lanmer Rouz. Pa ti reste en sel sotrel dan Lezip antye.

Egzod 15:10

Ou ti fer soufle ou divan e lanmer ti kouver zot. Zot ti koule parey diplon dan en lanmer formidab.

Egzod 16:13

Aswar, bann zwazo ki apel kay, ti monte e kouver kan.

Nonm 11:30

Apre sa, Moiz ek sa bann sef ti retourn dan kan.