Nonm 11:23 - Labib An Kreol Seselwa

²³ SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Nonm 11:23 ပူးပေါင်းရင်းမြစ်များ

Zenez 18:14

Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

2 Rwa 4:43

Me son serviter ti dir, “Ki mannyer mon pou fer pour nouri 100 zonm?” Alor Elize ti repete, “Donn sa bann zonm e zot ava manze, akoz la sa ki SENYER i deklare: Zot ava manze e i pou reste.”

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

Psonm 78:41

Plizyer fwa zot ti teste Bondye e ofans Bondye Sen Izrael.

Egzod 6:1

SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 59:1

Pa krwar lebra SENYER i tro kourt pour li pa kapab sove; ni son zorey tro dir pour li pa tande.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 32:27

Mwan menm SENYER, Bondye tou dimoun. Napa nanryen ki tro difisil pour mwan.

Ezekyel 12:25

Annefe, mwan SENYER ki pou anons sa ki pou arive. Sa ki mon dir, pou realize san tarde. Me dan ou zenerasyon pep rebel, parol ki mon pou prononse, mon pou realiz li, Senyer BONDYE ki deklare.

Ezekyel 24:14

Mwan SENYER mon'n koze e sa pou realize. Mon pa pou rekile, mon pou fer li san pitye. Mon pa pou regret nanryen, mon pou ziz ou dapre ou lavi ek ou bann aksyon. Senyer BONDYE ki deklare.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Mise 2:7

Fanmir Zakob, konmsa ki zot koze? Eski pasyans SENYER in fini? Konmsa ki i azir? Mon parol pa fer dibyen bann ki mars dan bon semen.

Nonm 11:22

Eski i pou annan ase bef ek mouton pour tou sa bann dimoun? Menm si ou atrap tou pwason dan lanmer, eski i pou annan ase pour nouri zot tou?”

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Matye 19:26

Zezi ti get zot. I ti dir, “Pour en zonm, sa i enposib; me pour Bondye tou i posib.”

Matye 24:35

Lesyel ek later pou disparet, me mon parol pa pou disparet.

Levanzil dapre Lik 1:37

Annefe, napa nanryen ki enposib pour Bondye.”