Nonm 11:22 - Labib An Kreol Seselwa

²² Eski i pou annan ase bef ek mouton pour tou sa bann dimoun? Menm si ou atrap tou pwason dan lanmer, eski i pou annan ase pour nouri zot tou?”

Nonm 11:22 ပူးပေါင်းရင်းမြစ်များ

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

Nonm 11:13

Kote mon pou ganny lavyann pour donn tou sa pep ki pe plennyen: Donn nou lavyann pour manze?

Nonm 11:21

Moiz ti dir, “Sa pep devan mwan, i annan omwen 600,000 zonm e ou dir: Mon pou donn zot lavyann pour manze pandan en mwan?

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Matye 15:33

Bann disip ti demann li: “Kote nou pou ganny dipen dan sa dezer pour nouri sa kantite dimoun?”

Mark 6:37

Zezi ti reponn zot, “Donn zot keksoz pour manze zot menm.” Zot ti demann li, “Eski nou pou depans 200 pyes larzan pour aste dipen pour zot manze?”

Mark 8:4

Son bann disip ti reponn li, “Kote nou pou ganny ase dipen dan sa landrwa dezer, pour nou nouri tou sa dimoun?”

Levanzil dapre Lik 1:18

Zakari ti demann lanz, “Ki mannyer mon pou konn sa? Annefe mon vye, e mon fanm osi i annan en laz byen avanse.”

Levanzil dapre Lik 1:34

Mari ti dir avek lanz, “Ki mannyer sa pou arive, akoz mon en zenn fiy vyerz?”

Levanzil dapre Zan 6:9

“I annan isi en pti garson ki annan senk dipen lorz ek de pwason. Sa pa nanryen ditou pour sa kantite dimoun.”