Nonm 11:12 - Labib An Kreol Seselwa

¹² Eski mwan ki'n met omonn sa pep? Eski mwan ki'n donn zot nesans pour ou dir mwan pran li dan lebra, parey en nouris i pran en pti baba ki pe tete e anmenn zot ziska dan pei ki ou'n promet zot zanset par en serman?

Nonm 11:12 ပူးပေါင်းရင်းမြစ်များ

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Zenez 24:7

SENYER, Bondye lesyel, ki'n pran mwan dan lakaz mon papa e dan pei kot mon ti ne, i'n koz avek mwan. In promet pour donn mwan en desandans dan sa pei. I pou anvoy son lanz pour gid ou, e ou ava swazir en fanm pour mon garson laba.

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

2 Rwa 10:1

Akab ti annan 70 garson dan Samari. Alor, Zehou ti ekri en let ki i ti anvoy Samari kot tou bann sef Zizreel, bann ansyen ek titer bann garson Akab. La sa ki ti'n ekri:

2 Rwa 10:5

Alor, sa ki ti ansarz pale, gouverner lavil, ansanm avek bann ansyen ek bann titer, ti anvoy dir Zehou, “Nou ou bann serviter; nou pou fer tou sa ki ou ava demann nou. Nou pa pour fer personn vin lerwa; fer tou sa ki ou krwar i bon.”

Egzod 13:11

“Kan SENYER ava'n fer ou antre dan pei Kanaan, parey i ti promet ou ek ou bann zanset, e ki i ava'n donn ou,

Egzod 13:5

Zot ava pratik sa rityel pandan menm mwan, kan SENYER ti fer zot antre dan pei bann Kananeen, Hitit, Amorit, Hivit ek Zebizit; dan sa pei ki i ti promet avek zot zanset pour li donn zot, en pei kot dile ek dimyel i koule.

Egzod 33:1

SENYER ti dir Moiz, “Ale, ou avek sa pep ki ou'n delivre sorti Lezip e al dan sa later ki mon ti fer serman avek Abrahanm, Izaak ek Zakob an dizan: Mon pou donn sa later ou bann desandan.

Egzod 6:8

Mon pou fer zot antre dan sa pei ki mon ti fer serman pour donn Abrahanm, Izaak ek Zakob: Mwan SENYER, mon pou donn zot sa later pour zot posesyon.”

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Levanzil dapre Zan 10:11

Mwan menm bon berze. Bon berze i donn son lavi pour son bann mouton.

1 Korentyen 4:15

Annefe, si zot arive ganny 10,000 ansennyan dan zot lavi avek Kris, zot napa plizyer papa. Annefe, kan mon ti vin anons zot Bonn Nouvel, se mwan ki'n vin zot papa pour zot lavi avek Zezi-Kri.

Galat 4:19

Mon bann zanfan! Mon pe soufer ankor pour zot, parey en fanm ki pe akouse, ziska ki Kris in fini formen dan zot.

Deterononm 1:31

Dan dezer osi, ou ti war ki mannyer SENYER, ou Bondye ti soutenir ou, parey ler en papa i pran son zanfan dan lebra, tou dilon zot vwayaz, ziska ki zot in ariv isi.

1 Tesalonisyen 2:7

O kontrer, nou'n montre labonte parmi zot. Nou ti azir parey en manman ki pran swen son bann zanfan.