Nonm 11:1 - Labib An Kreol Seselwa

¹ Lepep ti konmans konplent kont SENYER. Sa ti fer lakoler SENYER monte. Dife SENYER ti desann e bril en bout kan.

Nonm 11:1 ပူးပေါင်းရင်းမြစ်များ

Zenez 38:10

SENYER pa ti kontan sa ki i ti fer, e i ti pran son lavi.

2 Samyel 11:27

Kan dey ti'n fini, David ti anvoy sers li e anmenn li dan son lakaz. I ti vin son fanm, e i ti ganny en garson pour li. Sa ki David ti'n fer, pa ti fer plezir SENYER.

2 Rwa 1:12

Eli ti reponn zot, “Si mon en profet Bondye, mon demande ki en dife i desann sorti dan lesyel e bril ou avek ou 50 zonm.” Alor, en dife Bondye ti sorti dan lesyel e bril li avek son 50 zonm.

Liv Zob 1:16

I ti ankor pe koze, ler en lot mesaze ti arive. I ti dir, “Zekler sorti dan lesyel in tonm lo bann mouton e lo ou bann serviter e bril zot. Zis mwan ki'n sape pour vin anons ou sa nouvel.”

Psonm 106:18

Dife ti bril zot tou; laflanm ti bril tou sa bann malfeter.

Psonm 78:21

Alor, SENYER ti ankoler kan i ti antann sa. I ti alim en dife kont Zakob. Son lakoler ti monte kont Izrael.

Psonm 78:63

Bann zennzan ti ganny devore par dife. Personn pa ti sant romans pour bann zenn fiy.

Egzod 16:7

e demen bomaten, zot pou war laglwar SENYER, akoz in antann zot pe mirmire kont li. Ki nou ete, pour zot mirmire kont nou?”

Egzod 16:9

Moiz ti dir Aaron, “Dir avek pep Izrael: Prezant zot devan SENYER akoz in antann zot pe mirmire.”

Ezai 10:17

Lalimyer Izrael pou vin en dife; Bondye sen pou vin en laflanm ki pou brile e devor bann zarbis pikan ek bann brousay dan en sel zour.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Lamantasyon 3:39

Akoz en zonm i bezwen plennyen pour son bann pese ki i'n fer?

Ezekyel 20:36

Mon pou ziz zot parey mon ti ziz zot bann zanset dan dezer Lezip. Senyer BONDYE ki deklare.

Levitik 10:2

Alor, en dife ti sorti dan prezans SENYER e devor zot; zot ti mor devan SENYER.

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Habakouk 3:5

Devan li, en lepidemi pe avanse; deryer li, en lafyev i swiv dan son lepa.

Nonm 10:33

Alor, lepep ti kit montanny SENYER pour en vwayaz trwa zour apye. Kof Lalyans SENYER ti al devan zot. I ti pran zot trwa zour pour rod en landrwa pour repoze.

Nonm 11:18

“Dir avek lepep: Konsakre zot pour demen. Zot pou manz lavyann, akoz zot in mirmire dan zorey SENYER e zot in dir: Kote nou pou ganny lavyann pour manze? Nou ti byen Lezip. Alor, SENYER pou donn zot lavyann pour zot manze.

Nonm 12:2

Zot ti dir: Eski SENYER i koz zis par lentermedyer Moiz? Pa i koz osi atraver nou? SENYER ti antann zot.

Nonm 14:2

Lepep antye ti konplent kont Moiz ek Aaron. Zot tou, zot ti dir: Plito nou ti'n mor Lezip; plito nou ti'n mor dan sa dezer!

Nonm 14:22

tou sa bann ki'n war mon laglwar ek bann siny ki mon'n fer dan Lezip e dan dezer, ki'n provok mwan deza dis fwa e ki pa'n obeir mwan,

Nonm 14:27

Pour konbyen letan ankor mon pou siport konplent sa move kominote? Mon'n antann bann Izraelit pe proteste kont mwan.

Nonm 14:28

Dir zot: Mwan SENYER ki deklare: Osi vre ki mon vivan, mon pou tret zot parey mon'n antann zot dir:

Nonm 16:11

Pour sa rezon, ou ek ou group ki avek ou, zot pe revolte kont SENYER. Ki zot annan pour zot revolte kont Aaron?”

Nonm 16:35

Apre sa, SENYER ti fer desann en dife ki ti bril sa 250 zonm ki ti pe ofer lansan.

Nonm 17:5

Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.

Nonm 21:5

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

1 Korentyen 10:10

Pa plennyen parey serten parmi zot ti fer e zot ti ganny eksterminen.

Deterononm 25:18

Ki mannyer zot ti atak ou lo semen ler ou ti feb e fatige e zot ti detri tou bann ki ti pe trennen deryer; zot pa ti annan respe pour Bondye.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Deterononm 9:22

Zot ti osi provok lakoler SENYER ler zot ti Tabera, Massa ek Kibrot-Taava.

Ebre 12:29

Annefe, nou Bondye i en dife ki devor tou.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.