Nonm 10:35 - Labib An Kreol Seselwa

³⁵ Sak fwa ki Kof Lalyans ti deplase, Moiz ti priye: Leve SENYER! Fer ou bann lennmi disperse; fer sa bann ki ay ou fannen partou.

Nonm 10:35 ပူးပေါင်းရင်းမြစ်များ

Psonm 132:8

Leve SENYER! Al dan ou landrwa repo, ou, avek Kof lalyans kot ou pwisans i ete.

Psonm 3:8

SENYER! Delivrans i dan ou lanmen. Devers ou benediksyon lo ou pep.

Psonm 9:19

Leve SENYER! Pa les bann imen pran kontrol. Anmenn bann nasyon devan ou pour zot ganny zize.

Psonm 94:16

Lekel ki pou leve pour defann mwan kont bann malfeter? Lekel ki pou debout pour defann mwan kont sa bann malfeter?

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.

Deterononm 7:10

Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

1 Samyel 4:3

Kan leres bann zonm Izrael ti retourn dan zot kan, bann ansyen ti demande: Akoz SENYER in les nou ganny bate par bann Filisten ozordi? Annou al sers Kof lalyans Silo e anmenn li isi, pour ki SENYER ava la parmi nou e i ava sov nou dan lanmen nou bann lennmi.