Nonm 10:29 - Labib An Kreol Seselwa

²⁹ Moiz ti dir Hobab, garson Reouel, son boper, ki ti en Madyanit, “Nou pe al dan sa later ki SENYER in promet pour donn nou. Vin avek nou e ou ava partisip dan boner ki SENYER in promet Izrael.”

Nonm 10:29 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 32:12

Me ou SENYER, ou'n dir: Mon pou fer ou dibyen, e mon pou fer ou desandans vin parey disab lo bor lanmer ki pa kapab ganny konte.”

Psonm 100:1

Bann zabitan later! Sant for zot lazwa pour SENYER.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 95:1

Vini! Annou sant nou lazwa pour SENYER. Annou kriy nou lazwa pour nou Ros protekter, nou Sover!

Egzod 18:1

Zetro, pret Madyann, e boper Moiz, ti antann tou sa ki Bondye ti'n fer pour Moiz e pour son pep Izrael: Ki mannyer SENYER ti fer Izrael sorti Lezip.

Egzod 18:12

Apre sa, Zetro, boper Moiz ti ofer en sakrifis konplet e lezot sakrifis anver Bondye. Aaron, ansanm avek bann ansyen dan Izrael ti vin manz dipen avek boper Moiz, dan prezans Bondye.

Egzod 18:27

Apre, Moiz ti les son boper ale e retourn dan son pei.

Egzod 2:18

Ler zot ti retourn dan lakour, zot papa Rouel ti demann zot, “Akoz zot in retourn boner ozordi?”

Egzod 2:21

Moiz ti aksepte pour reste kot sa zonm ki ti donn li son fiy Sefora.

Egzod 3:1

Moiz ti pe gard troupo son boper, Zetro ki ti pret dan Madyann. I ti anmenn troupo lot kote dezer ziska Horeb, montanny Bondye.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Zeremi 50:5

Zot pou demann semen pour al Siyon. Zot pou tourn ver lavil: Vini e fer en lalyans pour touzour avek SENYER. Zanmen zot pou oubliy sa lalyans.

Nonm 10:28

Se dan sa fason ki zot ti deplase sak fwa ki zot ti lev kan.

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Akt de Zapot 7:5

Bondye pa ti donn li okenn propriyete, pa menm en pti morso later pour met son lipye, me i ti promet pour donn li ek son desandans, sa pei. Kan Bondye ti fer sa promes, Abrahanm ti napa zanfan.

Deterononm 30:5

SENYER, ou Bondye ava fer ou retourn dan pei ki ou bann zanset ti pran posesyon. I ava fer ou vin pli ris e pli nonbre ki ou bann zanset.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

Ziz 1:16

Bann desandan bann Kenit, boper Moiz, ek bann zanfan Zida, ti kit lavil bann Palmye ki dan dezer Negev, Sid avek Arad, pour zot vin reste parmi lepep.

Ziz 4:11

Heber, en Kenit ki ti'n separe avek Kaen, bann desandan Hobab, boper Moiz, ti'n vin kanp Tsanaim ki pre avek Kedes.

1 Samyel 15:6

Sail ti dir avek bann Kenit, “Ale! Pa reste kot bann Amalesit, pour ki mon pa detri zot ansanm, akoz zot in fidel avek tou bann Izraelit ler zot ti sorti Lezip.” Alor, bann Kenit ti reste lwen avek bann Amalesit.