Nonm 1:51 - Labib An Kreol Seselwa

⁵¹ Sak fwa ki Latant i ganny deplase, bann levit ava bezwen demont li, e sak fwa ki zot arete pour kanpe, bann levit ava remont li. Si en dimoun i aprose, i devret ganny met anmor.

Nonm 1:51 ပူးပေါင်းရင်းမြစ်များ

2 Samyel 6:7

Lakoler SENYER ti monte kont Ouza. I ti touy li lanmenm pour sa lensolans. Ouza ti mor la, akote Kof Lalyans.

Nonm 10:11

Dan dezyenm lannen, dezyenm mwan, lo ventyenm zour, nyaz lo Latant Temwannyaz ti leve.

Nonm 16:40

Sa ti servi pour rapel pep Izrael, ki personn, apar bann desandan Aaron, pa vin ofer lansan devan SENYER, pangar zot pas koman Kore ek son group, parey sa ki SENYER ti'n dir par lentermedyer Moiz.

Nonm 17:13

Tou dimoun ki apros Latant SENYER pou mor. Eski nou tou nou pou mor?

Nonm 17:5

Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.

Nonm 18:22

Apartir ozordi, bann Izraelit pa devre apros Latant Rankont SENYER, san ki zot rann zot koupab e pangar zot mor.

Nonm 18:3

Zot ava pran zot responsabilite anver ou dan servis Latant. Me zot pa devre apros obor okenn lobze sakre dan sanktyer, oubyen lotel, sankwa zot pou mor, e ou, ansanm avek zot.

Nonm 18:4

Zot pou travay avek ou e desarz zot responsabilite dan Latant Rankont SENYER. Okenn lezot dimoun napa drwa asiste ou.

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.

Nonm 3:10

Ou ava etabli Aaron ek son bann garson dan zot fonksyon pret. En dimoun ordiner ki apros zot, i devret ganny met anmor.

Nonm 3:38

Moiz, Aaron ek son bann garson ti kanp devan Latant SENYER, ki lo kote Les. Se zot ki pou fer servis dan sanktyer an faver pep Izrael. Sa enn ki apros sa landrwa, si i pa pret, devret ganny met anmor.

1 Samyel 6:19

SENYER ti pini zabitan Bet-Semes, akoz zot ti'n get Kof SENYER. Sa zour, 70 zonm ti mor: 50,000 parmi lepep. Lepep ti an dey, akoz SENYER ti'n anvoy sa gran fleo lo zot.