Nonm 1:50 - Labib An Kreol Seselwa

⁵⁰ Plito apwent zot pour pran ansarz Latant Temwannyaz e lo tou son bann lobze ek tou lezot propriyete Latant. Zot bezwen pran swen avek Latant e otour kan.

Nonm 1:50 ပူးပေါင်းရင်းမြစ်များ

2 Kronik 24:6

Alor, lerwa ti konvok Gran-Pret Yoyada e demann li, “Akoz ou pa'n egzize ki bann levit i anmenn sa kontribisyon sorti Zerizalenm ek Zida ki Moiz serviter SENYER ek lasanble ti rekomann bann Izraelit pour latant Temwannyaz?”

Nehemi 12:22

Dan lepok Eliasib, Yoyada, Yohanann, ek Yadoua, bann levit ti ganny enskri koman sef fanmir, e pandan renny Dariis, lerwa Pers, bann pret osi ti ganny anrezistre:

Nehemi 12:47

Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.

Nehemi 12:8

Lo kote bann levit: Zozye, Binoui, Kadmyel, Serebya, Zida, Matanya, ki, avek son bann frer, ti diriz sante pandan lapriyer;

Nehemi 13:22

Mon ti osi demann bann levit pour pirifye zot, pour vin vey bann laport pour fer sir ki saba i reste en zour sakre. Pour sa osi, mon Bondye, mazin mwan e protez mwan dan ou gran fidelite!

Nehemi 13:5

ti'n prepar en gran lasanm pour Tobiya. Dan sa landrwa, oparavan, zot ti plas bann lofrann vezetal, lansan, bann istansil, ladim dible, diven ek delwil, bann par pour bann levit, bann santer, bann portye, ek kontribisyon pour bann pret.

Psonm 122:4

La kot bann tribi i monte, bann tribi SENYER. Zot vin selebre non SENYER dapre lareg ki'n ganny etabli pour Izrael.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 38:21

La lalis bann depans pour sanktyer, demer temwannyaz, ki ti ganny etabli lo lord Moiz, par bann levit, anba direksyon Itamar, garson pret Aaron.

Nonm 1:53

Me bann levit ava pik zot latant toultour Latant Temwannyaz pour anpes maler tonm lo bann Izraelit. Bann levit i responsab pour pran swen avek Latant Temwannyaz.”

Nonm 10:21

Apre, bann Keatit sorti dan tribi Levi ti anmenn bann lobze sakre. Pandan sa letan, Latant Temwannyaz ti pe ganny drese avan zot arive.

Nonm 17:7

Moiz ti depoz sa bann baton devan SENYER dan Latant Temwannyaz.

Nonm 18:5

Zis zot ki devre ofisye dan sanktyer e lo lotel. Konmsa mon lakoler pa ava tonm ankor lo pep Izrael.

Nonm 2:17

Apre, bann levit ava sorti dan milye bann kanpman avek Latant Rankont; zot ava kanp dan menm lord, sakenn anba son bannyer.

Nonm 20:11

Apre, i ti lev son lanmen e tap sa ros de fwa avek son baton. Delo ti sorti, tou dimoun ti bwar e zot betay osi.

Nonm 4:15

Kan zot lev kan, ler Aaron ek son bann garson in fini kouver sanktyer avek tou son bann akseswar, bann garson Keat ava vini pour transport li. Me zot pa devre tous okenn sa bann lobze sakre. Si zot fer sa, zot pou mor. Sa i bann lobze dan Latant Rankont SENYER ki bann garson Keat a bezwen transporte.

Nonm 4:3

tou bann ki aze 30 an ziska 50 an, ki kapab travay dan Latant Rankont SENYER.

Nonm 8:19

Mon'n donn Aaron ek son bann garson, tou sa bann levit pour zot fer servis dan Latant Rankont SENYER e pour fer rityel pardon pese lo zot. Konmsa, pep Izrael pa ava ganny frape par en fleo si i vin obor Latant Rankont SENYER.

Nonm 8:20

Moiz, Aaron ek kominote Izrael ti fer tousala an faver bann levit. Pep Izrael ti fer egzakteman sa ki SENYER ti'n dir Moiz lo size bann levit.

Nonm 8:22

Apre sa, bann levit ti al pran sakenn son fonksyon dan Latant Rankont SENYER, anba sipervizyon Aaron ek son bann garson. Zot ti fer avek bann Levit tou sa ki SENYER ti'n ordonnen par lentermedyer Moiz lo zot size.

Revelasyon 15:5

Apre sa, mon ti war latant Temwannyaz Bondye ouver dan lesyel.