Nonm 1:4 - Labib An Kreol Seselwa

⁴ Pran avek ou, en zonm dan sak tribi, sef dan fanmir son klan.

Nonm 1:4 ပူးပေါင်းရင်းမြစ်များ

1 Rwa 8:1

Alor, lerwa Salomon ti fer rasanble devan li dan Zerizalenm tou bann ansyen dan Izrael, tou bann sef tribi, bann sef fanmir pep Izrael pour fer monte Kof lalyans SENYER, sorti dan lavil David, setadir Siyon.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 18:25

Moiz ti swazir bann dimoun kapab parmi pep Izrael. I ti met zot ansarz son pep. Ti annan sef group 1,000, sef 100, sef 50 ek sef 10.

Nonm 1:16

Sa ti non bann ki ti'n ganny swazir parmi kominote Izrael, bann dirizan dan zot tribi; zot ti sef dan zot klan.

Nonm 1:44

Sa i lakantite zonm ki Moiz ek Aaron ti konte avek led sa 12 sef ki sorti dan sak tribi.

Nonm 17:3

I devre annan en baton pour sak sef avek son non lo la. Lo baton tribi Levi ou ava ekri non Aaron.

Nonm 25:14

Sa zonm ki ti ganny pike ansanm avek sa fanm Madyanit, ti apel Zimri, garson Salou. I ti en sef fanmir dan tribi Simeon.

Nonm 25:4

SENYER ti dir Moiz, “Pran tou bann sef Izrael, pann zot devan SENYER an fas avek soley. Apre, sa gran lakoler SENYER ava tonbe.”

Nonm 30:1

Moiz ti koz avek bann sef tribi dan Izrael e donn zot sa bann lord swivan: La sa ki SENYER in ordonnen:

Nonm 4:34

Moiz, Aaron ek bann dirizan kominote Izrael ti fer en resansman tou bann garson Keat, par klan e par fanmir;

Nonm 7:2

Bann dirizan pep Izrael, bann sef sak tribi ti amenn zot lofrann. Zot ti sa bann sef tribi ki ti'n diriz resansman.

Deterononm 1:15

Alor, mon ti pran zot bann sef tribi, bann zonm saz, eksperyanse e enstal zot koman zot sef: Sef 1,000, sef 100, sef 50, sef 10, ek bann zofisye ki pou ansarz sak tribi.

Zozye 22:14

Dis responsab lepep ti akonpanny li, enn par sak tribi. Zot tou, zot ti bann sef fanmir dan bann klan Izrael.