Nehemi 9:8 - Labib An Kreol Seselwa

⁸ Ou ti war son leker senser anver ou; ou ti fer en lalyans avek li pour donn son desandans pei bann Kananeen, bann Hitit, bann Amorit, bann Perizit, bann Zebizit ek bann Girgasit. Ou'n gard ou promes, akoz ou zis.

Nehemi 9:8 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 15:6

Abranm ti met son lafwa dan SENYER. SENYER ti rekonnet li koman en zonm zis.

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

2 Samyel 22:31

Bondye i en gid parfe. Bann promes SENYER i vre; i en proteksyon pour tou sa ki vin pran refiz kot li.

1 Kronik 1:14

bann Zebizit, bann Amorit, bann Girgasit,

1 Kronik 16:16

Son lalyans ki i ti fer avek Abrahanm, son serman ki i ti fer avek Izaak.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Psonm 116:5

SENYER i bon e i zis. Nou Bondye i ranpli avek konpasyon.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Ezekyel 33:24

Ou ki en imen, ekoute: Bann zabitan dan bann landrwa devaste dan pei Izrael pe kontinyen dir: Abrahanm ki ti en zonm tousel, me i ti ganny posesyon sa pei. Tandis ki nou, nou nonbre, alor, se nou ki devre ganny posesyon sa pei.

Nonm 13:29

Bann Amalesit i reste dan rezyon Negev dan Sid; bann Hitit, bann Zebizit e bann Amorit, zot reste dan montanny; bann Kananeen, zot reste obor lanmer e dan rezyon Zourden.

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Akt de Zapot 13:22

Apre ki Bondye ti'n rezet Sail, i ti donn zot David koman lerwa. I ti dir lo son size: Mon'n trouv dan David, garson Zese, en zonm dapre mon leker, en zonm ki pou akonpli tou mon volonte.

Deterononm 26:3

Ou ava al kot sa pret ki an servis. Ou ava dir li: Ozordi, mon deklare devan SENYER, ou Bondye, ki mon'n ariv dan sa pei ki SENYER ti fer serman avek nou zanset pour donn nou.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Ebre 11:17

Par lafwa, kan Bondye ti teste li, Abrahanm ti ofer Izaak an sakrifis. I ti pare pour ofer son sel garson an sakrifis, alor ki i ti'n resevwar en promes.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 11:3

bann Kananeen ti reste dan Les e dan Was; bann Amorit, bann Hitit, bann Perizit, bann Zebizit ti reste dan rezyon montanny. Bann Hivit ti reste dan laplenn anba montanny Hermon dan rezyon Mispa.

Zozye 23:14

“Mwan, ozordi mon pe ale parey sor tou dimoun. Zot konnen, avek tou zot leker, avek tou zot et antye, ki okenn sa bann parol ki SENYER, zot Bondye ti prononse lo zot size pa'n reste san ganny akonpli; tou in realize lo zot; napa enn ki pa'n akonpli.

Zozye 9:1

Ler zot ti aprann sa, tou bann lerwa ki ti reste dan rezyon Les avek larivyer Zourden, dan rezyon montanny, dan rezyon laplenn, dan kote lanmer Mediterane, ziska Liban: Hitit, Amonit, Kananeen, Perizit, Hivit ek Zebizit

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.