Nehemi 9:6 - Labib An Kreol Seselwa

⁶ Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

Nehemi 9:6 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Zenez 1:9

Alor, Bondye ti dir: Bann delo ki anba lesyel ava rasanble dan en sel landrwa e later ferm ava aparet! Sa ti arive.

Zenez 2:1

Alor, lesyel, later ek tou sa ki ti ladan ti'n fini ganny kree.

Zenez 32:2

Kan Zakob ti rankontre zot, i ti dir, “Sa se larme Bondye!” Alor, i ti apel sa landrwa Mahanaim.

1 Rwa 22:19

Alor, Mise ti dir, “Ekout parol SENYER. Mon'n war SENYER pe asiz lo son tronn e larme lesyel antye avek li, dan son kote drwat ek dan son kote gos.

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

2 Rwa 19:15

Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.

2 Rwa 19:19

Aprezan SENYER, nou Bondye, mon sipliy ou, sov nou anba lanmen Senakerib. Konmsa, tou bann rwayonm lo later ava konnen ki zis ou, SENYER, ki Bondye.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 102:25

Depi lontan, ou'n etabli fondasyon later; lesyel i travay fer par ou lanmen.

Psonm 103:21

Loue SENYER, tou bann kreatir, tou son bann serviter ki fer son lavolonte!

Psonm 115:15

SENYER ki'n fer lesyel ek later ava beni zot.

Psonm 124:8

Nou sekour i dan non SENYER ki'n fer lesyel ek later.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Psonm 24:10

Lekel sa gran lerwa? Li menm SENYER liniver. Li menm sa gran lerwa.

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Psonm 86:10

Ou vreman gran e ou fer bann mervey. Zis ou ki Bondye.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Zonas 1:9

I ti dir zot, “Mon en Ebre e mon ador SENYER, Bondye lesyel ki'n kree lanmer ek later.”

Levanzil dapre Zan 10:30

Mwan ek mon Papa nou en sel.”

Akt de Zapot 4:24

Kan zot ti antann sa zistwar, bann krwayan ti met zot ansanm pour priy Bondye, “Met! Ou ki'n kre lesyel, later, lanmer ek tou sa ki lo later e dan lanmer.

Deterononm 10:14

Lesyel ek tou sa ki ladan, later osi ek tou sa ki ladan i pour SENYER, ou Bondye.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 6:4

Izrael! Ekoute. SENYER, nou Bondye i sel SENYER.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 1:6

Par kont, kan Bondye ti anvoy son lene Garson dan lemonn, i ti deklare: Tou bann lanz Bondye ava ador li.

Revelasyon 14:7

I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.