Nehemi 9:5 - Labib An Kreol Seselwa

⁵ Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Nehemi 9:5 ပူးပေါင်းရင်းမြစ်များ

1 Rwa 8:14

Lerwa ti tournen e beni lasanble pep Izrael antye, ki ti'n reste debout.

1 Rwa 8:15

I ti dir: Loue SENYER, Bondye pep Izrael, ki ti koz avek mon papa David par son prop labous, e ki par son pwisans, in akonpli tou sa ki i'n dir:

1 Rwa 8:22

Apre, Salomon ti debout devan lotel SENYER. La, devan pep Izrael antye ki ti'n rasanble, i ti lev son lebra ver lesyel.

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

1 Kronik 16:36

Loue SENYER Bondye Izrael depi touzour, e pour touzour! Lepep antye ti dir: Amenn! Loue SENYER.

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

1 Kronik 29:13

Aprezan, nou Bondye, nou remersye ou e nou rann glwar ou gran non.

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

2 Kronik 20:13

Alor, tou bann zonm Zida ti debout devan SENYER avek zot fanm ek zot bann zanfan.

2 Kronik 20:19

Bann levit ki sorti dan bann Keatit ek bann Koreit ti lev debout pour loue SENYER, Bondye Izrael, avek en lavwa tre for.

Esdras 3:11

Zot ti loue SENYER; sakenn son tour, zot ti sant sa refren: SENYER i bon, son lanmour pour Izrael i dire pour touzour! Lepep antye osi ti loue SENYER par bann gran aklamasyon, akoz zot ti pe poz fondasyon tanp SENYER.

Nehemi 9:4

Zozye, Bani, Kadmyel, Sebanya, Bouni, Serebya, Bani, ek Kenanni, ti mont lo lestrad bann Levit e kriye aotvwa ver SENYER, zot Bondye.

Nehemi 9:6

Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

Liv Zob 1:21

I ti dir: Mon'n sorti touni dan vant mon manman e mon ava retourn touni dan vant later! SENYER in donnen e SENYER in repran. Son non i ganny beni!

Psonm 106:2

Lekel ki kapab rakont tou bann mervey ki i'n fer? Lekel ki kapab fini loue li?

Psonm 134:1

Loue SENYER! Zot tou bann serviter SENYER, zot ki debout dan tanp SENYER kontinyelman dan lannwit.

Psonm 145:2

Mon pou loue ou tou le zour. Mon pou loue ou non pour touzour e touzour.

Psonm 145:5

Mon pou medit lo splander, ou laglwar ek ou mazeste e bann gran mervey ki ou'n fer.

Psonm 146:2

Mon pou sant louanz pour SENYER tan ki mon vivan. Mon pou sant pour mon Bondye tou mon lavi.

Psonm 16:2

Mon dir SENYER: Ou menm mon Senyer. Ou menm sours tou mon lazwa.

Psonm 66:2

Sant laglwar son non! Rann li glwar!

Psonm 99:3

Loue son non ki gran e formidab. SENYER, i sen.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Danyel 2:20

I ti dir: Beni non Bondye pour touzour e touzour, akoz lasazes ek pwisans i pour li.

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

Ziz 13:18

Mesaze SENYER ti reponn li, “Akoz ou demann mwan mon non? I en non etonan.”