Nehemi 9:37 - Labib An Kreol Seselwa

³⁷ Tou son kantite prodwi, i pour bann lerwa ki ou'n plas lo nou latet, akoz nou bann pese. Zot domin lo nou ek nou bann troupo e nou dan en gran soufrans!

Nehemi 9:37 ပူးပေါင်းရင်းမြစ်များ

Esdras 4:13

Nou pe fer konnen lerwa ki, si sa lavil i ganny rekonstri e si son bann miray i ganny repare, zot pa pou pey okenn taks, ni drwa ladwann, ek drwa pasaz. Finalman, kof rwayal pou fer pert.

Esdras 6:8

Aprezan, mon ordonnen ki bann ansyen parmi bann Zwif ki pe rekonstri tanp Bondye ava ganny peye, antyerman e san tarde, apartir reveni rwayal e taks ki sorti dan provens lo lot kote larivyer Efrat. Remet egzakteman larzan avek sa bann zonm pour ki sa travay pa ganny enteronpe.

Esdras 7:24

Pour sa rezon, nou fer zot konnen ki zot napa drwa enpoz okenn taks, ni drwa ladwann, ni drwa pasaz lo okenn pret, levit, santer, portye, ni okenn dimoun ki travay dan tanp.

Nehemi 5:8

Mon ti dir zot, “Nou'n fer tou nou posib pour reaste nou bann frer Zwif ki ti'n ganny vann koman lesklav avek lezot nasyon; aprezan, zot, zot pe vann zot bann frer avek nou, bann Zwif!” Zot ti napa nanryen pour dir. Zot ti reste trankil san dir en mo.

Lamantasyon 5:5

Nou lennmi i lo nou ledo; nou'n randi, zot pa les nou repoze.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Levanzil dapre Zan 8:33

Zot ti reponn li, “Nou bann desandan Abrahanm e nou pa'n zanmen lesklav personn. Ki mannyer ou kapab dir: Zot ava vin lib?”

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:39

Ou ava plant rezen e kiltiv li, me ou pa pou gout son diven; ou pa pou rekolte son fri, akoz lever pou manz tou.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.