Nehemi 9:32 - Labib An Kreol Seselwa

³² Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Nehemi 9:32 ပူးပေါင်းရင်းမြစ်များ

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

2 Rwa 15:19

Poul, lerwa Asiri, ti antre dan pei. Menahenm ti donn li 30 tonn larzan pour ed li konsolid son pouvwar rwayal.

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

2 Rwa 17:23

ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

2 Rwa 23:29

Dan son lepok, Faraon Neko, lerwa Lezip, ti al lager kont lerwa Asiri dan direksyon larivyer Efrat. Lerwa Zozyas ti sorti kont li; me koman i ti war li, faraon Neko ti touy li Megido.

2 Rwa 25:7

Zot ti egorz bann garson Sedesyas devan son lizye. Apre, zot ti krev son lizye, atas li avek lasenn an bronz e anmenn li Babilonn.

Esdras 4:10

ek lezot pep ki son gran ekselans, Osnapar, ti deporte e ki'n enstal zot dan bann lavil Samari, e dan leres bann provens lo lot kote larivyer Efrat.

Esdras 4:2

Zot ti apros Zorobabel ek bann sef lafanmir pour dir zot, “Nou ava konstri sa tanp ansanm avek zot. Annefe, nou ador menm Bondye parey zot. Nou ofer li bann sakrifis depi lepok Asaradon, lerwa Asiri ki ti deport nou isi.”

Esdras 9:13

Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Psonm 47:2

SENYER, Bondye Treo i formidab. I en gran lerwa lo later antye.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 66:5

Vin get tou sa ki Bondye in fer! Bann aksyon terib ki i'n akonpli i formidab pour bann zabitan later.

Egzod 18:8

Moiz ti rakont son boper tou sa ki SENYER ti fer avek Faraon ek bann Ezipsyen akoz pep Izrael. I ti rakont li osi tou bann difikilte ki i ti'n pas ladan dan semen e ki mannyer SENYER ti'n delivre zot.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Danyel 9:6

Nou pa'n ekout ou bann serviter, bann profet. Zot ti koz lo ou non avek nou bann lerwa, nou bann sef, ek nou bann zanset, e avek tou bann pep sa pei.

Danyel 9:8

SENYER! Laont i pour nou! Nou, avek nou bann lerwa, nou bann sef, ek nou bann zanset, nou onte, akoz nou'n fer pese kont ou.

Levitik 26:18

Si malgre tousala, zot pa ekout mwan, mon pou kontinyen pini zot set fwa plis ankor pour zot pese.

Levitik 26:21

Si zot kontinyen reziste kont mwan e refize ekout mwan, mon pou ogmant zot pinisyon set fwa plis ankor pour zot pese.

Levitik 26:24

mwan osi, mon pou reste kont zot. Mon pou pini zot set fwa plis pour zot bann pese.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Deterononm 7:12

Si ou ekout sa bann lalwa e pran swen pour obzerv zot e met zot an pratik, SENYER, ou Bondye ava gard son lalyans anver ou e kontinyen gard sa promes ki i ti fer par en serman avek ou bann zanset.

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.