Nehemi 9:31 - Labib An Kreol Seselwa

³¹ Me, dan ou gran konpasyon, ou pa ti detri zot, ou pa ti abandonn zot, akoz ou en Bondye avek konpasyon ki konn pardonnen.

Nehemi 9:31 ပူးပေါင်းရင်းမြစ်များ

2 Rwa 13:23

SENYER ti pran pitye pour zot e i ti pardonn zot, akoz son lalyans ki i ti'n fer avek Abrahanm, Izaak, ek Zakob. I pa ti oule detri zot; ziska aprezan, i pa'n rezet zot lwen avek li.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Nehemi 9:19

Dan ou gran konpasyon, ou pa ti abandonn zot dan dezer. Kolonn nyaz, pa ti arete gid zot pandan lazournen, ni kolonn dife aswar, ki ti kler semen ki zot ti devre swiv.

Ezai 48:9

Pour loner mon non, mon pou kontrol mon lakoler; pour loner mon laglwar, mon pasyant ankor, pour mwan pa fer ou disparet.

Zeremi 4:27

La sa ki SENYER in deklare: Pei antye in ganny devaste; me mon pa pou detri li konpletman.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 5:18

Malgre sa, SENYER i deklare, mon pa pou detri zot konpletman.

Lamantasyon 3:22

SENYER ava reste touzour fidel e son konpasyon pa pou zanmen fini.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Deterononm 4:31

Annefe, SENYER, ou Bondye i en Bondye ranpli avek konpasyon; i pa pou abandonn ou ni detri ou. I pa pou oubliy lalyans ki i ti fer avek ou bann zanset.