Nehemi 9:30 - Labib An Kreol Seselwa

³⁰ Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Nehemi 9:30 ပူးပေါင်းရင်းမြစ်များ

2 Rwa 18:11

Lerwa Asiri ti anmenn bann Izraelit Asiri koman prizonnyen e fer zot reste kot Hala, lo larivyer Habor, larivyer Gozann e dan bann lavil Med.

2 Rwa 21:10

Alor, par lentermedyer son bann serviter, bann profet, SENYER ti deklare:

2 Kronik 24:19

SENYER ti anvoy son bann profet parmi zot, pour averti zot pour retourn kot li. Me zot pa ti ekoute.

Esdras 9:10

Aprezan, nou Bondye, nou pa konnen ki nou pou dir apre sa ki'n arive?

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 95:10

Sa zenerasyon in fer mwan degout zot pandan 40 an. Mon ti dir: Zot en pep ki lespri in egare avek mwan. Zot pa konn mon semen.

Ezai 28:10

I pe esey ansenny nou let par let, let par let. Laliny apre laliny, laliny apre laliny. En pe isi, en pe laba.

Ezai 42:24

Lekel ki'n livre Zakob avek sa ki pe depouy li e Izrael avek bann voler? Eski pa kont SENYER ki nou'n fer pese? Zot pa'n oule swiv son semen, ni obei son bann komannman.

Ezai 48:9

Pour loner mon non, mon pou kontrol mon lakoler; pour loner mon laglwar, mon pasyant ankor, pour mwan pa fer ou disparet.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 25:4

SENYER pa'n zanmen arete anvoy zot son bann serviter, bann profet. Me zot pa'n oule ekoute, ni port atansyon.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Zeremi 44:5

Me zot pa ti ekout mwan, e zot pa'n port okenn atansyon. Zot pa'n renons zot move mannyer fer, e zot in kontinyen ofer bann sakrifis an loner lezot bondye.

Zeremi 7:25

Depi zour ki mon ti fer zot bann zanset sorti Lezip, mon'n touzour anvoy bann profet, mon bann serviter, kot zot.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Danyel 9:6

Nou pa'n ekout ou bann serviter, bann profet. Zot ti koz lo ou non avek nou bann lerwa, nou bann sef, ek nou bann zanset, e avek tou bann pep sa pei.

Zakari 7:12

Zot ti andirsi zot leker parey granit, pour zot pa ekout lalwa e bann parol ki SENYER liniver ti anvoye par son souf, par lentermedyer bann ansyen profet. Sa ti fer SENYER liniver pran en gran lakoler.

Zakari 7:13

La sa ki SENYER liniver i deklare: Parey zot pa ti ekout mwan kan mon ti apel zot, mwan osi, mon pou refize reponn zot kan zot ava apel mwan.

Nonm 11:26

Parmi sa bann ansyen, Eldad ek Medad ti'n reste dan kan. Lespri ti vin lo zot, menm si zot pa ti la kot latant; zot ti profetize la dan kan.

Akt de Zapot 13:18

Pandan anviron 40 an, i ti pran swen avek zot dan dezer.

Akt de Zapot 28:25

Zot pa ti tonm dakor. Kan zot ti pe kite pour ale, Pol ti zis dir zot, “Lespri Sen ti annan rezon kan i ti dir avek zot zanset par lentermedyer profet Ezai!

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

1 Pyer 1:11

Zot in fer en gro zefor pour dekouver dan ki lepok e dan ki sirkonstans, bann lendikasyon ki Lespri Kris in donnen, ti koresponn. Annefe, sa Lespri ki ti dan zot, ti anons davans, soufrans ki Kris ti devre pas ladan ek laglwar ki devre swiv.

2 Pyer 1:21

Annefe, napa okenn mesaz profesi ki'n ganny prodwir par lavolonte imen, me se Lespri Sen ki'n pous dimoun pour koz delapar Bondye.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.