Nehemi 9:29 - Labib An Kreol Seselwa

²⁹ Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Nehemi 9:29 ပူးပေါင်းရင်းမြစ်များ

2 Rwa 17:13

SENYER ti'n averti Izrael ek Zida par lentermedyer tou son bann profet, e tou son bann vizyoner, ler i ti dir zot: Abandonn zot bann move mannyer fer e obzerv bann komannman ek bann regleman ki mon'n donn zot dapre bann lalwa ki mon'n donn zot zanset par lentermedyer mon bann serviter, bann profet.

2 Rwa 17:14

Me zot pa ti oule ekoute; zot ti antete parey zot bann zanset, ki pa ti krwar dan SENYER, zot Bondye.

2 Kronik 24:19

SENYER ti anvoy son bann profet parmi zot, pour averti zot pour retourn kot li. Me zot pa ti ekoute.

2 Kronik 33:10

SENYER ti koz avek lerwa Manase ek son pep, me zot pa ti pran okenn ka.

2 Kronik 36:15

SENYER, Bondye zot zanset, ti konstaman anvoy son bann mesaze kot zot, akoz i ti pran pitye pour zot e pour son tanp kot i reste.

Nehemi 13:15

Dan sa lepok, mon ti war bann zonm dan Zida pe kraz rezen zour saba, anmenn bann pake legren ki zot ti sarz lo zot bann bourik, ensi ki diven, rezen, fig e toudsort fardo ki zot ti anmenn Zerizalenm zour saba. Mon ti donn zot bann avertisman zour zot ti pe vann zot danre.

Nehemi 9:10

Ou ti fer bann siny ek bann mervey kont Faraon, kont tou son bann serviter ek tou zabitan son pei, akoz ou ti konnen ki zot ti ensolan anver nou bann zanset. Ou'n fer ou renonmen ziska ozordi.

Nehemi 9:16

Me nou bann zanset ti arogan e zot ti revolte. Zot pa ti obei ou bann komannman.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Nehemi 9:30

Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Zeremi 17:23

Me zot pa'n ekoute, zot pa'n ouver zot zorey. Zot in reste dan zot lantetman; zot in refize obei e resevwar okenn leson.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 42:19

SENYER in dir ou, restan lepep ki dan Zida: Pa al Lezip. Sa i en lavertisman serye ki zot gannyen ozordi.

Zeremi 43:2

Azarya, garson Hosaya e Yohanann, garson Karea, ek bann zonm arogan ti reponn Zeremi: I pa vre. SENYER nou Bondye pa'n anvoy ou dir pa al reste Lezip.

Zeremi 44:10

Ziska prezan, personn pa'n eksprim okenn regre, ni lafreyer; personn pa'n swiv mon bann lalwa ek mon bann direktiv ki mon ti donn zot ek zot bann zanset.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Danyel 5:20

Me letan son leker ti ranpli avek lorgey e dan son lespri ti annan larogans, i ti ganny tire lo son tronn e ganny arase son loner.

Oze 6:5

Pour sa rezon, mon'n konbat zot par bann profet; mon'n pronons kondannasyon anmor kont ou. Mon zizman i aparet koman lalimyer.

Levitik 18:5

Obzerv mon bann lalwa ek mon bann regleman: An metan sa bann regleman an pratik, en dimoun ava viv. Mwan menm SENYER.

Matye 19:17

Zezi ti reponn li, “Akoz ou poz mwan kestyon konsernan sa ki bon? I annan zis en sel ki bon. Si ou, oule antre dan lavi eternel, obei bann komannman.”

Levanzil dapre Lik 10:28

Zezi ti dir li, “Ou'n byen reponn. Fer tousala e ou ava viv.”

Romen 10:5

Moiz in ekri ki en dimoun ki pratik lazistis baze lo Lalwa, pou viv par Lalwa.

Galat 3:12

Me Lalwa napa nanryen pour fer avek lafwa. O kontrer, parey Lekritir i osi deklare: Sa enn ki met an pratik lalwa, pou viv par lalwa.

Deterononm 31:21

Ler en kantite maler terib pou tonm lo zot, sa kantik ava servi koman en temwen pour akiz zot, akoz zot bann desandan pa pou zanmen oubliye. Annefe, avan menm ki mon anmenn zot dan sa pei ki mon'n promet zot par serman, mon konnen deza sa ki zot pe prepare pour fer.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Ziz 6:10

Mon ti dir zot: Mwan menm SENYER zot Bondye. Zot pa devre per bann bondye bann Amorit kot zot pe reste. Me zot pa ti ekout mwan.”