Nehemi 9:28 - Labib An Kreol Seselwa

²⁸ Me, deswit apre ki zot ti'n ganny en pe repo, zot ti rekonmans fer sa ki mal devan ou. Alor, ou ti abandonn zot dan lanmen zot bann lennmi, ki ti domin lo zot. Me ler zot ti kriy ver ou ankor, depi lesyel, ou ti antann zot. Dan ou gran konpasyon, ou ti delivre zot plizyer fwa.

Nehemi 9:28 ပူးပေါင်းရင်းမြစ်များ

1 Rwa 8:39

depi ou demer dan lesyel, ekout li, pardonn li, azir e fer pour li, dapre son kondwit, akoz zis ou ki konn leker et imen.

Psonm 106:42

Lennmi ti kraz zot e soumet zot anba zot pouvwar.

Psonm 136:24

I ti delivre nou dan lanmen nou bann lennmi; son fidelite i dire pour touzour.

Ezai 63:15

Port atansyon depi lesyel ki ou demer sen e glorye. Oli ou lanmour ek ou lafors? Oli ou leker ranpli avek konpasyon? Mon pa merit tousala.

Ziz 2:19

Me ler bann ziz ti mor, zot ti rekonmans vin koronpi, plis ki zot bann zanset. Zot ti swiv lezot bondye, servi zot e prostern devan zot; zot pa ti renons zot bann move mannyer viv.

Ziz 3:30

Sa zour, Moab ti ganny imilye dan lanmen Izrael e pei ti reste anpe pandan 80 an.

Ziz 4:1

Apre lanmor Ehoud, bann Izraelit ti rekonmans fer sa ki pa ti fer plezir SENYER.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.