Nehemi 9:27 - Labib An Kreol Seselwa

²⁷ Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Nehemi 9:27 ပူးပေါင်းရင်းမြစ်များ

2 Rwa 13:5

Alor, SENYER ti anvoy Izrael en liberater, pour ki zot kapab sape dan lanmen bann Siriyen. Pep Izrael ti reste dan zot prop lakaz parey avan.

2 Rwa 14:27

Me SENYER pa ti'n dir ki i pou ekstermin sa pep lo later. Alor, i ti sov li par lentermedyer Zeroboanm, garson Yoas.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

2 Rwa 17:39

Zot ava ador SENYER zot Bondye; i ava delivre zot dan lanmen zot bann lennmi.

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Nehemi 9:19

Dan ou gran konpasyon, ou pa ti abandonn zot dan dezer. Kolonn nyaz, pa ti arete gid zot pandan lazournen, ni kolonn dife aswar, ki ti kler semen ki zot ti devre swiv.

Psonm 136:24

I ti delivre nou dan lanmen nou bann lennmi; son fidelite i dire pour touzour.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Ziz 2:18

Kan SENYER ti donn zot bann ziz, i ti avek bann ziz. Tan ki ti annan bann ziz, SENYER ti delivre zot dan lanmen zot bann lennmi. Annefe, SENYER ti pran pitye pour zot devan bann kit i pe zot maltret zot.