Nehemi 9:24 - Labib An Kreol Seselwa

²⁴ Alor, zot bann desandan ti antre e pran posesyon sa pei. Ou ti livre dan zot lanmen bann Kananeen, zabitan sa pei, avek zot bann lerwa, pour tret zot mannyer zot ti anvi.

Nehemi 9:24 ပူးပေါင်းရင်းမြစ်များ

1 Kronik 22:18

I ti dir, “SENYER, zot Bondye, pa i avek zot? Pa i'n donn zot trankilite dan tou kote? In livre bann zabitan sa pei dan mon lanmen e la aprezan zot soumet devan SENYER e devan son pep.

Ester 9:5

Alor, bann Zwif ti masakre tou zot bann lennmi; zot ti touy zot e fer zot disparet. Zot ti fer sa ki zot ti oule avek sa bann dimoun ki ti ay zot.

Nonm 14:31

Kanta zot zanfan, ki zot ti dir pou vin bann otaz, mon pou fer zot antre e zot pou konn sa pei ki zot pa ti oule.

2 Timote 2:26

Alor, zot ava retourn dan zot bon sans e debaras zot dan pyez kot dyab in graponn zot, pour fer zot soumet anba son lavolonte.

Zozye 10:40

Zozye ti ganny laviktwar lo sa pei antye ek zot bann lerwa: Rezyon montanny, rezyon Negev, rezyon laplenn, ziska dan bann rezyon anpant. I pa ti les okenn sirvivan. I ti detri tou et vivan, parey SENYER, Bondye Izrael ti'n ordonn li.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 12:12

lerwa Eglonn, lerwa Gezer;

Zozye 12:24

lerwa Tirsa. An tou 31 lerwa.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Zozye 21:43

SENYER ti donn bann Izraelit sa pei antye parey i ti'n promet zot zanset. Zot ti pran posesyon sa pei kot zot ti etabli zot.

Zozye 21:45

Ti napa en sel parmi bann bon promes ki SENYER ti'n fer avek pep Izrael ki pa ti akonpli; tou ti realize.

Ziz 4:23

Sa zour, Bondye ti imilye Yavin, lerwa Kanaan, devan pep Izrael.