Nehemi 9:21 - Labib An Kreol Seselwa

²¹ Pandan 40 an ou'n pran swen avek zot e zot pa ti mank nanryen dan dezer. Zot lenz pa ti ize e zot lipye pa ti anfle.

Nehemi 9:21 ပူးပေါင်းရင်းမြစ်များ

Psonm 34:10

Bann zenn lyon i konnen kisisa bezwen ek lafen. Me sa enn ki obei SENYER pa mank nanryen.

Egzod 16:35

Pep Izrael ti manz lamann pandan 40 an ziska ki zot ti ariv dan en pei abite. Zot ti manz lamann ziska ki zot ti ariv pre avek Kanaan.

Amos 5:25

Zabitan Izrael! Pandan 40 an ki zot ti dan dezer, mon pa'n zanmen demann zot okenn sakrifis ni lofrann.

Akt de Zapot 13:18

Pandan anviron 40 an, i ti pran swen avek zot dan dezer.

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Deterononm 29:5

Pandan 40 an, mon'n kondwir zot dan dezer. Lenz ki ti lo zot pa'n ize e sandal dan zot lipye pa'n ize.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Deterononm 8:4

Pandan sa 40 an, ou lenz pa ti ize lo ou, ni ou lipye pa ti anfle.