Nehemi 9:2 - Labib An Kreol Seselwa

² Bann ki desandan Izrael ti separ zot avek bann etranze. Zot ti debout e konfes zot pese ek pese zot bann zanset.

Nehemi 9:2 ပူးပေါင်းရင်းမြစ်များ

1 Rwa 8:47

si zot sanz zot leker la, dan sa pei kot zot in ganny anmennen, si zot repanti e si zot enplor ou e dir: Nou'n fer pese, nou'n fer sa ki mal;

Esdras 10:11

Aprezan, rekonnet zot fot devan SENYER, Bondye zot zanset, e fer son volonte. Separ zot avek pep sa pei e avek bann fanm etranze”.

Esdras 6:21

Bann Izraelit ki ti'n retournen sorti annegzil, ti manz repa Pak ansanm avek tou bann ki ti'n ganny separe zot avek bann koutim bann nasyon. Zot ti zwenn ansanm, pour ador SENYER, Bondye Izrael.

Esdras 9:1

Apre sa bann levennman, bann sef Izraelit ti apros mwan. Zot ti dir: Pep Izrael, bann pret ek bann levit pa ti reste separe avek bann zabitan sa bann pei. Zot in swiv bann pratik degoutan bann Kananeen, Hitit, Perizit, Zebizit, Amonit, Moabit, Ezipsyen, ek Amorit.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Esdras 9:2

Zot bann zanfan in marye avek bann zanfan sa bann pep, de sort ki zot in melanz pep Bondye avek bann zabitan sa pei. Bann sef ek bann mazistra ki ti parmi bann premye pour komet sa lenfidelite.

Nehemi 1:6

Ekout avek atansyon, ouver ou lizye, ekout lapriyer ki mwan ou serviter mon pe adres ou. Mon pe priy devan ou nwit e zour pour ou bann serviter, pep Izrael; mon rekonnet pese pep Izrael ki nou'n komet kont ou. Mwan ek mon fanmir, nou'n fer pese kont ou.

Nehemi 10:28

Leres lepep: Pret, levit, portye, santer, serviter tanp, ek tou bann ki ti'n separe avek bann pep lezot pei, pour swiv lalwa Bondye, ensi ki zot fanm, zot bann garson, zot bann fiy, e tou bann ki ti kapab konpran,

Nehemi 10:29

ti zwenn ansanm avek zot bann frer, bann sef. Zot ti pret serman pour swiv lalwa ki Bondye ti donnen par lentermedyer Moiz, serviter Bondye e pour met an pratik tou bann komannman SENYER, nou SENYER, son bann regleman ek son bann lalwa.

Nehemi 13:3

Kan bann Izraelit ti'n antann lektir lalwa, zot ti sas bann etranze dan zot kominote.

Nehemi 13:30

Mon ti pirifye zot avek bann etranze e mon ti retabli servis bann pret ek bann levit, sakenn dapre son fonksyon.

Psonm 144:11

Sov mwan; delivre mwan dan lanmen bann etranze. Zot labous i koz zis mansonz. Zot servi zot lanmen drwat pour fer fo serman.

Psonm 144:7

Depi lesyel, lev ou lanmen; delivre mwan e sov mwan dan sa gran kouran delo, dan lanmen bann etranze.

Proverb 28:13

Sa enn ki kasyet son bann fot pa pou prospere. Me sa enn ki avoue son fot e renonse, pour ganny pardonnen.

Ezai 2:6

Desandan Zakob! Ou'n abandonn ou pep. Pei i ranpli avek mazik ek siperstisyon ki sorti dan Les, en kantite, parey kot bann Filisten; zot fer konpromi avek bann etranze.

Zeremi 14:20

SENYER! Nou konnen e nou rekonnet ki nou ek nou bann zanset, nou'n mal azir kont ou.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Oze 5:7

Zot pa'n fidel avek SENYER, akoz zot bann zanfan ilezitim. Aprezan, nouvellin pou devor zot avek zot plantasyon.