Nehemi 9:17 - Labib An Kreol Seselwa

¹⁷ Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Nehemi 9:17 ပူးပေါင်းရင်းမြစ်များ

1 Rwa 6:13

Mon pou reste avek pep Izrael; mon pa pou abandonn mon pep Izrael.

1 Rwa 8:57

SENYER Bondye i avek nou parey in avek nou bann zanset; i pa pou zanmen kit nou ni abandonn nou.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Esdras 9:9

Annefe, nou bann lesklav; me nou Bondye pa'n abandonn nou dan lesklavaz. I'n montre son lanmour devan bann lerwa Lapers pour fer nou reviv, pour ki nou relev tanp Bondye e fer li sorti dan son leta anrin e donn nou son miray proteksyon Zerizalenm e dan Zide.

Nehemi 9:31

Me, dan ou gran konpasyon, ou pa ti detri zot, ou pa ti abandonn zot, akoz ou en Bondye avek konpasyon ki konn pardonnen.

Psonm 106:13

Me zot ti vit oubliy sa ki i ti'n fer; zot pa ti esper son konsey.

Psonm 106:7

Kan nou bann zanset ti Lezip, zot pa ti konpran ou bann mervey. Zot ti oubliy tou ou bann byenfe; zot ti revolte kont ou obor lanmer Rouz.

Psonm 130:4

Me pardon i kot ou, e nou ava annan respe pour ou.

Psonm 78:10

Zot pa ti gard lalyans Bondye; zot ti refize swiv son lalwa.

Psonm 78:11

Zot ti oubliy tou sa ki i ti'n fer, e tou bann mervey ki i ti montre zot.

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Egzod 32:9

SENYER ti dir Moiz, “Mon'n war ki sa pep, i en pep antete.

Proverb 1:24

Akoz mon ti apel zot, me zot ti refize; akoz mon ti donn zot lanmen, me personn pa ti port atansyon;

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Ezekyel 5:6

I'n revolte kont mon bann desizyon ek regleman plis ki lezot nasyon. Son konportman i pli move ki bann nasyon etranze ki antour li. I'n rezet mon bann desizyon e i pa'n obei mon bann regleman.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Levitik 26:44

Malgre tousala, mon pa pou rezet zot, ni ay zot e detri zot konpletman, ni kas mon lalyans avek zot, ler zot ava dan pei zot lennmi. Annefe, mwan menm SENYER zot Bondye.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Nonm 14:11

SENYER ti dir Moiz, “Pour konbyen letan ankor sa pep pou rezet mwan? Pour konbyen letan ankor zot pou refize krwar dan mwan, malgre tou sa bann siny ki mon'n fer parmi zot?

Nonm 14:41

Moiz ti dir zot, “Akoz zot pe dezobei lord ki SENYER in donnen? Sa pa pou reisi.

Nonm 16:14

Ou pa'n anmenn nou dan en pei kot i koul dile ek dimyel. Ou pa'n donn nou an leritaz bann plantasyon legim, bann plantasyon rezen. Eski ou krwar ki sa bann zonm pa war kler? Non, nou pa pe vini.

Akt de Zapot 7:39

Nou bann zanset ti refize obei li. Zot ti rezet li, e dan zot leker, zot ti oule retourn Lezip.

Romen 9:15

Annefe, i ti dir avek Moiz: Mon pou pran pitye pour ki mon oule pran pitye. Mon pou annan konpasyon pour sa enn ki mon oule annan konpasyon.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.