Nehemi 9:15 - Labib An Kreol Seselwa

¹⁵ Kan zot ti lafen, ou ti donn zot dipen sorti dan lesyel; kan zot ti swaf, ou ti fer delo sorti dan ros, e ou ti dir zot al pran posesyon sa pei ki ou ti fer serman, pour donn zot.

Nehemi 9:15 ပူးပေါင်းရင်းမြစ်များ

Zenez 14:22

Me Abranm ti reponn li, “Mon lev mon lanmen devan SENYER, Bondye Treo ki'n kree lesyel ek later:

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

Psonm 114:8

ki sanz ros an basen delo e granit an en sours delo!

Egzod 16:4

SENYER ti dir Moiz, “Mon pou fer dipen tonbe sorti dan lesyel pour zot. Tou le zour, lepep ava sorti e ranmas kantite neseser pour sak zour. Konmsa, mon pou teste zot pour war si zot pe obeir mon lalwa ou non.

Egzod 17:3

Annefe, lepep ti swaf e zot ti mirmire kont Moiz, “Akoz ou'n fer nou sorti Lezip? Eski ou anvi touy nou, nou bann zanfan ek nou zannimo par laswaf?”

Egzod 17:6

Mon pou debout devan ou lo ros montanny Horeb. Ou ava tap lo sa ros e delo ava sorti ladan e lepep ava bwar.” Moiz ti fer sa devan bann ansyen dan Izrael.

Egzod 6:8

Mon pou fer zot antre dan sa pei ki mon ti fer serman pour donn Abrahanm, Izaak ek Zakob: Mwan SENYER, mon pou donn zot sa later pour zot posesyon.”

Ezai 48:21

Zot pa ti swaf ler i ti gid zot atraver bann dezer; pour zot, i ti fer delo koule, sorti dan ros; i ti fann ros e fer delo sorti ladan.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Ezekyel 20:15

Mon ti osi fer en serman avek zot dan dezer, pour pa pou anmenn zot dan sa pei ki mon ti'n donn zot, sa pli merveye pei kot i annan dile ek dimyel annabondans.

Nonm 14:30

Personn pa pou antre dan sa pei ki mon ti promet pour enstal zot, eksepte Kaleb ek Zozye, garson Noun.

Deterononm 1:21

Gete! SENYER, ou Bondye in donn ou sa pei. Monte, al pran posesyon parey SENYER, Bondye ou bann zanset in promet zot; pa bezwen per, pran kouraz.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 8:3

In imilye ou; in fer ou konn lafen pour li apre nouri ou avek lamann ki ni ou, ni ou bann zanset pa ti konnen. I ti fer sa pour ou konpran ki zonm pa viv zis lo dipen, me lo tou parol ki sorti dan labous SENYER.