Nehemi 9:1 - Labib An Kreol Seselwa

¹ Dan sa menm mwan, vennkatriyenm zour, pep Izrael ti rasanble ansanm pour zene. Zot ti met lenz dey, avek lapousyer lo zot latet.

Nehemi 9:1 ပူးပေါင်းရင်းမြစ်များ

2 Samyel 1:2

Trwazyenm zour, en zonm, sorti dan kan Sail, ti ariv kot li avek lenz tou desire, e son latet kouver avek lapousyer. Arivan kot David, i ti tonm ater e prostern devan li.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

2 Kronik 7:10

Apre, venntrwazyenm zour, dan setyenm mwan, Salomon ti fer tou dimoun retourn kot zot. Zot ti santi zot ere e dan lazwa pour tou bann dibyen ki SENYER ti fer anver David, anver Salomon, e anver son pep, Izrael antye.

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Esdras 8:23

Alor, nou ti fer en zenn e nou ti envok nou Bondye ki ti egzos nou demann.

Nehemi 8:2

Alor, premye zour, setyenm mwan, pret Esdras ti anmenn liv lalwa devan lasanble antye; tou dimoun: Zonm, fanm, avek tou sa bann ki ti kapab tande e konpran.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Ester 4:3

Dan sak provens, partou kot lord lerwa ek son dekre ti arive, bann Zwif ti plere en kantite; zot ti zene, plere e lamante, bokou parmi zot ti dormi dan lenz dey e kouver avek lasann.

Liv Zob 2:12

Zot ti war li dan lwen, me zot pa ti rekonnet li. Alor, zot ti plere asodlarm. Zot ti desir zot lenz e anvoy lapousyer anler par lao zot latet.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Levitik 23:34

Dir avek pep Izrael: Kenzyenm zour, setyenm mwan e pandan set zour, i ava annan lafet rekolt an loner SENYER.

Levitik 23:39

Kenzyenm zour setyenm mwan, kan zot ava rekolte prodwi later, zot ava selebre lafet SENYER pandan set zour: Premye zour ek wityenm zour ava repo konplet.

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

1 Samyel 4:12

En zonm sorti Benzamen ti taye depi fron batay. I ti ariv Silo menm zour, son lenz desire, son latet kouver avek later.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.